د سه‌ره‌دانا خوه دا بۆ به‌غدا بارزانی داخوازیا ڤێ وه‌زاره‌تێ بۆ كوردان كریه
ئه‌ڤرۆ نیوز:
ژێده‌ره‌كی ژ هه‌ڤپه‌یمانیا نشتیمانی راگه‌هاند كو مه‌سعود بارزانی سه‌رۆكێ هه‌رێما كوردستانێ د دووماهی سه‌ره‌دانا خوه دا بۆ به‌غدا داخوازا پۆستێ وه‌زیرێ ژده‌رڤه كریه.
ئه‌ڤی ژێده‌ری بۆ سومه‌ریه نیوز گۆت: “سه‌رۆكێ هه‌رێما كوردستانێ مه‌سعود بارزانی ته‌كست ل سه‌ر گرنگیا كه‌ساتیه‌كا كورد و ب تایبه‌ت ژ پارتیا دیموكراتا كوردستانێ كر كو پۆستێ وه‌زیرێ ژ ده‌رڤه وه‌رگریت ل جهێ ئیبراهیم جه‌عفه‌ری ئه‌وا بۆ لێپرسینێ ل جڤاتا نوونه‌ران هاتیه گازیكرن”، ته‌كست ژی كر، “بارزانی ئه‌ڤه ب مه‌رجه‌كێ سه‌ره‌كی بۆ ڤه‌گه‌ریانا په‌یوه‌ندیان د ناڤبه‌را حوكمه‌تا ناڤه‌ندی و هه‌رێمێ دا دانایه، دیسان گرنگی ب وێ چه‌ندێ ژی دایه كو هه‌ڤسه‌نگیه‌كا هه‌موو پێكهاته‌یان د حوكمه‌تا عیراقێ دا هه‌بیت”.
ئه‌ڤی ژێده‌ری ناڤێ خوه ئاشكه‌را نه‌كری ئاماژه ب وێ چه‌ندێ ژی كریه كو بارزانی نه‌رازیبوونا خوه ل هه‌مبه‌ر وێ چه‌ندێ دیاركر و ب “سیاسه‌تا پشتگوهـ هاڤێتن و دوورخستنێ” وه‌سفكر ئه‌وا نوكه وه‌زیرێ ژ ده‌رڤه یێ عیراقێ یێ نوكه ئیبراهیم جه‌عفه‌ری ئه‌نجام دده‌ت د ده‌رحه‌قا كوردان دا، “هه‌ر وه‌كو ڤێ دووماهیێ د كۆمبوونێن هه‌ڤپه‌یمانیا نێڤده‌وله‌تی دا ل واشنتۆن ره‌تكری كو كوردان نوونه‌ر ل گه‌ل شاندێ عیراقێ هه‌بیت”. هه‌ر دیسان گازنده‌یا وێ چه‌ندێ ژی كر كو هنده‌ك پێرابوونێن دژوارێن به‌رامبه‌ر هنده‌ك بالوێزێن كورد ل وه‌زاره‌تا ژ ده‌رڤه ده‌ركرینه.
ئه‌ندامێ جڤاتا نوونه‌ران عادل نوری ژ هه‌ڤپه‌یمانیا كوردستانی داخوازیه‌ك بۆ گازیكرنا وه‌زیرێ ژ ده‌رڤه ئیبراهیم جه‌عفه‌ری پێشكێش كریه پشتی كو شیایی ئیمزایێن پێدڤی یێن نوونه‌ران كۆم بكه‌ت ب به‌هانه‌یا فایلێن گه‌نده‌لیێ و ب هه‌ده‌ردانا سامانێ گشتی ل وه‌زاره‌تا ژ ده‌رڤه.
FacebookTwitterGoogle+
تُتاح هذه الصورة أيضا في: کوردی
