ئەڤ سالە رێورسمێن جەژنا جەمایێ نائێنه گێران
كاروان باعەدری
ئەڤ سالە جەژنا جەمایێ ژ رۆژا 7 -13/10/2016ێ دێ دەست پێكت ، ژبەر كارەساتا ب سەرێ ئێزدیان دا هاتی،رێورسمێن جەژنێ نائێنە گێران،تنێ زیارەتكەر دێ سەرەدانا پەرستگەها پیرۆزا لالش كن.
لوقمان سلێمان،بەرپرسێ راگەهاندنا نڤیسینگەها لالش ل پەرستگەها لالش بۆ رۆژناما دەنگێ لالش گۆت:”ئەڤ سالە جەژنا جەمایێ ژ 7 -13/10/2016 دێ دەست پێكت،بەلێ ژبەر وێ كارەساتا ل 3/8/2014ێ،بسەرێ ئاینێ ئێزدیان دا هاتی ل شنگال كو ب هەزاران كچ و ژن و زارۆك و زەلامێن ئێزدیان هاتنە گرتن و كوشتن و كۆچبەر و ئاوارەبوون،لەوا ب هیچ شێوەیەكی رێورسمێن جەژنا جەمایێ نائێنە گێران، چنكو مە ئێزدیان بریار دایە هەتا ئەو كچ و خوشكێن مە ژ دەستێ داعشێ رزگار نەبن مە چ جەژن نینن، جەژنا مە ئەوە دەمێ گرتیێن مە رزگاردبن ژ دەستێ رێكخراوا تیرۆرستی یا داعشێ”.
سلێمان ئەو ژی ئاشكەراكر:”تنێ زیارەتكەر دێ ئێنە پەرستگەها پیرۆزا لالشێ،هەروەسا پشتی كارەساتا شنگالێ و هەتا نۆكە ئێزدیان چوو جەژن نەگێراینە”.
تُتاح هذه الصورة أيضا في: کوردی
