ئه‌نجومه‌نێ پارێزگه‌ها دهۆك بریاره‌كا گرنگ ده‌ركر
باسنيۆز:
ئه‌نجومه‌نێ پارێزگه‌ها دهۆكێ بریار دا كو پارچه زه‌ڤیێن دومیز كو ب ناڤێ پارچێن زه‌ر و سپی هاتینه بناڤكرن و هه‌تا نها نه‌هاتینه تاپۆكرن بهێنه تاپۆكرن.
فه‌هیم عه‌بدولا حه‌مۆ، سه‌رۆكێ ئه‌نجومه‌ێ پارێزگه‌ها دهۆكێ بۆ (باسنیۆز) دیاركر، پارچێن زه‌ڤی و خانیێن زێده‌گاڤیێن دومیز كو ب ناڤێ پارچێن زه‌ر و سپی دهێنه نیاسین، ئانكو خانی ل سه‌ر هاتیه ئاڤاكرن و سپی ئانكو تنێ عه‌رده، ب ئاوایه‌كی 250 زه‌رن و 120 سپینه دانوستاندن ژ ئالیێ ئه‌ندامان بریار ل سه‌ر هاته دان و ئه‌نجومه‌نی ب تێكرایی یا ده‌نگێن ئه‌ندامێن كو ژ 28 ئه‌ندامان 21 به‌رهه‌ڤ ببوون هاته په‌سه‌ندكرن كو بۆ وه‌لاتیان بهێنه تاپۆكرن و دێ دووڤچوون ل سه‌ر پرۆسا تاپۆكرنێ ژی هێته‌كرن.
خویاژی كر، پاشی ب ئاوایه‌كێ گشتی به‌حسێ خانیێن زێده‌گاڤی هاته كرن و سه‌رۆكێ ئه‌نجومه‌نی داخواز كر كو هه‌ر ئه‌ندامه‌ك ل قه‌زا و ناحیێن خوه سه‌ره‌دانا باژێرڤانیان بكه‌ن و داخوازا ئه‌وله‌ویێن خانیێن زێده‌گاڤی بكه‌ن و راپۆرتان به‌رهه‌ڤ بكه‌ن.
ل دۆر ڤێ پرسێ فه‌هیم عه‌بدولا حه‌مۆ سه‌رۆكێ ئه‌نجومه‌نێ پارێزگه‌ها دهۆكێ پێشنیاز كر كو هه‌یڤه‌ك بۆ ئێكلاكرنا ڤی بابه‌تی بهێته دانان، دابزانن كی یه دبیته ئاسته‌نگ د رێیا نه‌ئێكلاكرنا ڤێ پرسێ دا و گۆت: “ئه‌ز ب خوه ب گهۆرینا خه‌مساره‌كی رازی نابم و بلا ئه‌ڤه هه‌لویستێ هه‌می ئه‌نجومه‌نی بیت”. ل دووماهیا ڤی ته‌وه‌ری ئه‌نجومه‌ن رازی بوو ل سه‌ر پێشنیارا سه‌رۆكێ ئه‌نجومه‌نی.
تُتاح هذه الصورة أيضا في: کوردی
