نێچیرڤان بارزانی بۆ VOA: یا گرنگ بۆ مه دیاركرنا سنورێن هه‌رێما كوردستانێ نه
ئه‌ڤرۆ نیوز:
نێچیرڤان بارزانی سه‌رۆك وه‌وزیرێن هه‌رێما كوردستانێ د دیداره‌كێ دا ل گه‌ل پشكا فارسی یا ده‌نگێ ئه‌مریكا هنده‌ك پرسێن په‌یوه‌ندیدار ب هه‌رێما كوردستانێ و ئۆپه‌راسیۆنێن رزگاركرنا مووچل و سه‌ربه‌خۆیا كوردستانێ و قه‌یرانا دارایی یا هه‌رێمێ خستنه به‌ر دانوستاندنێ.
نێچیرڤان بارزانی د پشكه‌كا دیدارا خوه دا ده‌رباره‌ی ئازادكرنا مووسل دبێژیت: “ب بۆچوونا من ئاماده‌نه‌بوونا ئۆپه‌راسیۆنا ئازادكرنا مووسل ب بۆچوونا من دو ئه‌گه‌ر یێن هه‌ین؛ ئێك جوداهیا مووسل ل گه‌ل ده‌ڤه‌رێن دی و هه‌ر ژ به‌ر ئه‌گه‌رێن له‌شكری و هه‌ر ژی كا پاش ئازادكرنا مووسل دێ پرۆسه ب چ ره‌نگ برێڤه‌چیت، ئه‌ڤه د گرنگن و دڤێت ب هووری سه‌رنجێ لێ بده‌ن، هه‌ڤده‌م نوكه سۆپایێ عیراقێ یێ ئاماده نینه و دبیت چه‌ند هه‌یڤێن دی ڤه‌كێشیت”.
ده‌رباره‌ی پرۆتۆكولا ناڤبه‌را وه‌زاره‌تا پێشمه‌رگه‌ی یا هه‌رێما كوردستانێ و وه‌زاره‌تا به‌ره‌ڤانیا ئه‌مریكا، سه‌رۆكێ حوكمه‌تا هه‌رێما كوردستانێ گۆت: “ئه‌ڤ رێكه‌فتنه دو پشكه، پشكه‌ك هاریكاریا دارایی یه ئه‌مریكا دێ ده‌ته پێشمه‌رگه‌ی، پشكه‌كا دی پرۆتۆكولا له‌شكری یه د ناڤبه‌را هه‌رێما كوردستانێ و ئه‌مریكا دا، ب گۆره‌ی وێ رێكه‌فتنێ ئه‌و هاریكاریا له‌شكری یا دێ ده‌نه هه‌رێما كوردستانێ نابیت بگه‌هیته ده‌ستێ لایه‌نێن دی، ئانكو ئه‌و پیڤه‌رێن ئه‌مریكا بۆ خوه ب گرنگ دزانیت، د ڤێ پرۆتۆكولێ دا هاتینه گۆنجاندن، هه‌ڤده‌م جودا ژ ڤێ چه‌ندێ ئه‌ڤ رێكه‌فتنه پێكهاتیه ژ هه‌ماهه‌نگیێ د ناڤبه‌را لایه‌نان دا بۆ ئازادكرنا مووسل و ده‌ڤه‌رێن دی یێن بن ده‌ستێ داعش.
ده‌رباره‌ی سه‌ربه‌خۆیا كوردستانێ ژی نێچیرڤان بارزانی راگه‌هاند: “ب بۆچوونا من سه‌ربه‌خۆیا هه‌رێما كوردستانێ مافێ ره‌وا یێ نه‌ته‌وێ مه‌یه، دیاركرنا مافێ چاره‌نڤیسێ یێ ره‌وایه و د وێ باوه‌رێ دامه، ئه‌ڤه وه‌كو ئامانجه‌ك بۆ مه خه‌لكێ كوردستانێ دێ مینیت، ئه‌ڤا بۆ مه پشتی داعش دمینیت سنورێن هه‌رێما كوردستانێ نه، چونكو ئه‌ڤ سنوره ب خوینا پێشمه‌رگه‌ی هاتینه ئازادكرن، ژ به‌ر هندێ دێ ب رژدی بزاڤا دیاركرنا وان ده‌ین”.
هه‌ر د درێژاهیا ڤێ پرسێ دا دبێژیت: “د هه‌ر ئاراسته‌كی دا بچین، ل ده‌سپێكێ دڤێت بزانین سنور و ئاخا مه ل كیڤه‌یه، ئانكو چ ل گه‌ل عیراقێ بمینین یان د سه‌ربه‌خۆ بین، یان هه‌كه وه‌كو سیسته‌مێ فیدرالی و كونفیدرالی بین، ئه‌ولیه‌تا مه دیاركرنا سنورایه كو ب فیداكاری كورێن ڤی ملله‌تی و پێشمه‌رگه‌ی هاتینه ئازادكرن”.
د پرسیارا دووماهیێ دا ژ وێ دیدارێ ده‌رباره‌ی قه‌یرانا دارای و پرسا موچێ فه‌رمانبه‌ران، نێچیرڤان بارزانی دبێژیت: “بێ ی چو دانوستاندن ل گه‌ل مه ل سالا 2004ێ مووچێ هه‌رێما كوردستانێ هاتیه بڕین ژ لایێ به‌غدا، كێشا دویێ شه‌رێ داعشه، ئێك هزار و 100 كیلۆمه‌تران مه سنور ل گه‌ل داعش هه‌یه، هه‌تا نوكه 1500 شه‌هید مه‌یێن داین و نێزیكی 800 برینداران مه یێن هه‌یه”. كێشا سیێ هاتنا ئێك ملیۆن و800 هزار ئاوارایه یێن شه‌رێ سوریا و ناڤخۆیێ عیراقێ كو هاتینه هه‌رێما كوردستانێ و گۆتژی: “كێمبوونا بهایێ په‌ترۆلا هه‌رێما كوردستانێ روو ب روو قه‌یرانا دارایی یا هه‌رێما كوردستانێ بوویه، بزاڤێن مه بۆ چاره‌كرنا وان قه‌یرانان د به‌رده‌وامن، سۆپاسیا فه‌رمانبه‌ران و مووچه‌خورێن هه‌رێما كوردستانێ دكه‌م كو دڤان كاودانان دگه‌هن، به‌لێ هه‌تا نوكه مه رێیه چاره‌یه‌ك په‌یدا نه‌كریه، به‌لێ ب رژدی بزاڤێ وێ چه‌ندێ دكه‌ین كو وی مووچێ وه‌ك پاشكه‌فت دهێته راكرن كێم بكه‌ین و خه‌رجیێن خوه كێم كه‌ین دا ڤێ قه‌یرانێ چاره بكه‌ین”.
تُتاح هذه الصورة أيضا في: کوردی
