ئەگەرێن دەرکەفتنا بێھنێن نەخۆش ژ دەڤی
نووش نيوز:
د.بێستون غەریب، تایبەتمەندێ جوانکاری و نیشتەگەریا دەڤ و ددانا گوت: زۆربەی جاران گازندە دھێنە کرن کو ھندەک کەسێن بەرامبەر بێھنێن نەخوش ل دەڤێن وان دھێن ئەڤە ژی گەلەک جاران دبیتە ئاریشە، ژبۆ ڤێ چەندێ گەلەک ئەگەر ھەنە کو بێھن ژ دەڤی دھێن ژوانا ژی:
١. نەشیشتن و چاڤدێرنەکرن و نەپاقژکرنا دەڤ و ددانا
٢. مانا میکروب و پاشماوێن خارنێ لسەر ئەزمانی
٣. ھندەک جورێن خارنا وەکی: سیر و پیڤار …
٤. کێشانا جگارا و ڤەخارنا مەيی
٥. ھندەک نەخوشێن دفنێ وەکی جیوبا کو دبیتە ئەگەرێ وێ چەندێ ئەو پاشماوێن دفنێ مینە دناڤا دەڤی دا.
٦. زێدەبوونا کلوری و کلس دناڤ دەڤی دا و ھەگرتنا پدیێن ددانا و ھەبوونا برینا دناڤا دەڤی دا.
٧. ھەبوونا ھندەک نەخوشیان وەکی: شەکر، کوئەندمێ ھەرسێ (مەعیدە)، جگەر، گولچیسک، زێدەبوونا و ھاتنا ترشێ مەعیدەی بۆ ناڤ دەڤی.
٨. برسی بوون و مەعیدێ ڤالا بیت ژ خارنێ.
٩. خوارنا ھندەک جورێن دەرمانا.
١٠. سورا ھەیڤانە یا ئافرەتا ژبەرکو گوھرین لسەر ھورمونان دا دروست دبن،ئەڤە ژی دبیتە ئەگەرێ زێدەبوون و چالاک بوونا میکروبان
نوشدارێ تایبەتمەندێ نیشتەگەری و جوانکاریی سەبارەت چارەسەری ژبۆ بێھنێن نەخوش دەڤ و ددانا دیار کر ژ رێکێن سەرەکی بۆ ڤێ چەندێ ئەڤەنە:
١. سەرەدانا نوشدارێ تایبەتمەند دەڤ و ددانا بۆ دەست نیشانکرنا وان ئەگەران کو بێھن ژ دەڤی بھێت.
٢. بکار ئینانا غەرغەرێ
٣. بکار ئینانا ھندەک سپر و قەترەین بێھن خوەشیا دەڤی ئەو ژی ل دووف رێنما و شیرەتێن نوشدارا.
٤. دگەل شووشتنا ددانا رۆژانە دوو بۆ سێ جاران
٥. بکار ئینانا دەرزی ددانا
٦. شوشتنا ئەزمانی ب فرچەیێن تایبەت ب پاقژکرنا ئەزمانی
تُتاح هذه الصورة أيضا في: کوردی
