تایبەتمەنده‌كێ سۆتنێ: دەرمانێن کوردەواری بۆ چارەسەریا سۆتنی دبێ مفانە
نوش نيوز:
تایبەتمەند سۆتن و جوانکاریێ ل دھۆکێ دیارکر کو ھندەک کەس ھەنە دەمێ دھێنە سۆتن ئەو ب خۆ ب دەرمانیێن کوردەواری ل مال چارەسەریا خوە دکەن ب ماستی و مه‌عجونی، ئەڤە تشتەکێ خەلەته خەلکێ مە ئەنجام ددەت، ب تنێ ھەکە پیچەکا قوماشی ل جھێ سۆتنی بدەن و پاقژ بکەن یان ھندەک ئاڤا پاقژ ل جھێ سۆتی بکەن، چونکو پلا سۆتنی کێم دکەت و ئێشان ژی ھەتا رادەیەکى کێم دبیت.
د. شڤان کوڕی تایبەتمەندێ سۆتن و جوانکاریێ ل نەخۆشخانا سۆتن و جوانکاریێ ل دھۆکێ دیارکر کو د ناڤ خەلکێ مە دا یا زێده‌يه، دەمێ کەسەک دھێتە سۆتن دێ ماستی داننە سەر جھێ سۆتی ئەڤە چو مفایى ناگەھینيتە نەخۆشی بەلکو بۆ ستافی نەخۆشخانێ ببیتە بارگرانی ھەتا چارەسەر دکەن، چونکو پێدڤيه ئەم وێ ماستی ھەموويێ پاقژ بکەين و پاشی بشێین چارەسەریا وێ بکەين، “لەورا ئەم داخوازین خەلک ماستی بکارنەئینن بۆ سۆتنی ب تایبەتی دەمێ لاشێ کەسەکى گەلەک دھێتە سۆتن و ھندەک ژی ھەنە دەرمانیێن کوردەواری زۆر بەربەلاڤن بەری چەندەکێ کچەکا ٢٠ سالیێ ھاتە نەخۆشخانی رێژا سۆتنا وێ ٢٥%، پێدڤیە ھاتبا ساخکرن ب مخابنی ڤە وان ئەو کچ ژ نەخۆشخانی دەرێخستن و برنە مال و دەرمانێ کوردەواری ل مال بکارئینان ب مخابنی ڤه وێ کچێ گیانێ خوە ژ دەست دا، ئەڤ شاشیێن وەسا دھێنە کرن د ناڤ خەلکێ دا”.
ئاشکرا کر کو ل دووڤ رێژا سۆتنی و پلا سۆتنێ و ژیێ نەساخی دمینيت ھەکە مرۆڤی چو نەخۆشی نەبن تووشی سۆتنێ بیت ئەو ژی رەنگە چو مەترسیێن گيان ژ ده‌ست دانێ ل سەر دروست نەبن، چونکو گەلەک جاران نەخۆشی بووینە ئەگەرێ مرنا کەسێن دھێنە سۆتن و ھندەک ھەنە ٣٠% دمرن ئەو ژی رەنگە ئاریشەک د کولچیسک یان میلاکێ دا ھەبیت بەرى ھاتبيتە سۆتن و دەمێ دھێتە سۆتن خوە ل بەر رێژا سۆتنێ ناگريت ھەتا کەسێن فشارا خوینێ و نەخۆشیا شەکری ژی دەمێ دھێنە سۆتن تووشی مەترسیا مرنێ دبن چارەسەریا وان ب زەحمەتترە ژ کەسێن چو نەخۆشی نەبن و ھاتبتە سۆتن.
ئەو ژی دیارکر کو حالەت ژی ھەنە پتر ژ٦٠% دھێنە سۆتن ل نەخۆشخانێ دھێنە نڤاندن ھەموو چارەسەریا پێدڤی بۆ دھێتە کرن و ساخ دبن و ھندەک حالەت ژی ھەکە مرۆڤەک بۆ خۆ رابیت ب سۆتنا خوە د بینات دا وى کەسی یا خوە سۆتنێ رەنگە بمريت چونکو وى ئێراده نينە ھەکە نەساخی ئێراده ھەبیت رەنگە نەمريت.
تُتاح هذه الصورة أيضا في: کوردی
