بوچی پێدڤیە بەرچاڤکێن دژی رۆژێ بکەینێ؟
نوش نيوز:
ھەلبژارتنا جورێ دروست یێ بەرچاڤکا دێ بیتە ئەگەرێ پاراستنا پیستێ دەوروبەرێ چاڤی.
گەلەک ژ وان حالەتێن پەنجەشێرێ ھاتینە تومارکرن ل بریتانیا ژ پەنجەشێرا پێلویێن چاڤی ژی پێک ھاتبوون. پێلویێن چاڤی و دەوروبەرێن بەریً چاڤی پێدڤی ب پاراستنێ یە، ب تایبەتی ژبەرکو ئەڤ بەشێ سەروچاڤا گەلەکێ نازکە و تەنکە، پتریا دەمان ژ ئەو تیشکێن دژوار یێن سەر بنەفشەی یێن رۆژێ ناھێتە پاراستن.
سالانە نێزیکی ١٣،٦٠٠ حالەتێن پەنجەشێرا چاڤی (پێلویێن چاڤی) ل بریتانیا دھێنە دەست نیشان کرن.
ئەگەر تە ھەست ب دەرکەتنا ڤان نیشان کر، دبیت ئەگەرێن تووشبونا پەنجەشێرا پێلویان بیت:
_ سووربوون و ھەودانا بەردەوام و دەم درێژ یا پێلویان.
_ رەنگێ مژیلانکا بەرەڤ سپی ڤە دچیت ( ژبەرکو خانێن رەنگی کارتێکرن لێ دھێتە کرن ژ لایێ پەنجەشێرێ ڤە)
_ وەرمین و ستویر بوونا پێلویان
_ ژ دەست دان و کێم بوونا مژیلانکا ب شێوەکێ نە سروشتی.
بەرچافکێن دروست بۆ پاراستنا چاڤان ژ تیشکا رۆژێ ب ھەلبژێرە:
دا کو چاڤێن خۆ و پیستێ دەوروبەران ب پارێزی ل دەمێ چوونا بەر رۆژێ کولاڤێن کو سەروچاڤێن تە ب داپوشیت، دیسان ژبیر نەکە بەرچافکێن دژی ھەتاڤێ ل بەر بکە. ئەگەر ھاتوو نەشیای کولاڤی بکەیێ، ل دەمێ بەرکرنا بەرچافکان ھەول بدە وی جوری بکێ کو ھەتا بریێن تە و پتریا دەوروبەرێن چاڤی بگریت. ژ ھەمیان گرنگتر ل دەمێ کرینا بەرچافکان وی جۆری ب ھەلبژێرە کو دژی تیشکا سەروو بنەفشەی بیت و چاڤی ژێ ب پارێزیت.
تُتاح هذه الصورة أيضا في: کوردی
