سالانە ب كولبونا جگەرى پتر ژ ملیون کەسا گيانێ خو ژدەست دەن
نوش نيوز:
کولبوونا جگەری یا ڤایروسی نەخوشەکا دوم درێژە و بەربەلاڤە ل ھەمی جیھانێ سالانە پتر ژ ملیونەک و ٣٠٠ ھزار کەس پێ دمرن.
د. فەرھاد ئیسماعیل شەھاب بەرپرسێ ھۆبا کونترۆلکرنا ئایدزێ و نەخۆشیێن زایندەیی ل رێڤەبەریا خۆپاراستانا ساخلەمیێ
د.فەرھاد اسماعیل تایبەت مەندێ نوشداریا جڤاکی ل رێڤەبەریا کاروبارێن خوپاراستنا ساخلەمیێ بو نوش نیوز دیار کر پێنج جورێن کولبونا جگەری ھەنە و سالا نە چەندین کەس توش دبنێ ژ وان جوران ژی
A’B’C’D’E
تايبەت مەندێ نوشداریا جڤاکی خویاکر کو جورێ ھەرە گرنگ بومە B , C نە چونکو مەترسیا ھەی بیتە پەنجە شێرا جگەری و بیتە ئەگەر نەخوش گیانێ خو ژ دەست بدەت لەورا دەست نیشانکرنا زوی یا ڤێ نەخوشیێ بەروەخت وەرگرتنا چارەسەریێ زور یا گرنگە.
نوشدارێ مە دیار کر کو ئەڤ نەخوشیە ب چەندین رێکا بەلاڤ دبیت.
١. ب رێکا خوینێ پێک ھاتیێن خوینێ یێن پیس.
٢. برێکا کریارا سکسی بێ بکارئینانا کوندوما.
٣. برێکا بکار ئینانا کەلوپەلێن نەخوشی وەک فرچێ ددانا و موسا ریە تراشینێ.
٤. برێکا ئامیرێن نوشداری یێن پیس.
٥. ب رێکا تاتوی.
دفەرھادى گۆت: کولبونا جگەری ژ جورێ B چ چارەسەریێن ئێکجار نینن لێ ڤاکسینا ڤێ نەخوشیێ ھەیە.
کولبونا جگەری ژ جورێ C چارەسەری ٩٥% ھەیە لێ ڤاکسین نینە.
نوشداری خوياكر كو :رێکخراوا ساخلەمیا جیھانی پلان دانا یە ل سالا 2030 ڤێ نەساخیێ نەھێلیت برێکا زوی دەست نیشانکرن و چارەسەرکرنا وێ رێ گرتن ل ڤەگوھاستناوێ و ڤاکسین دانا زارویان دروست بێتە کرن دا نڤشێن بھێن ئەڤ ڤایروسە دناڤ دا نەبیت دیسان ژنا دوگیان ب کێماسی دوجارا بێتە پشکنین کرن ب ڤی ڤایروسی دا کارێ پێتڤی بێتە کرن و زارویێ وێ ژی توش نەبیت .
تایبەتمەندێ ڤی نەخوشیێ دیار کر ٩٠% چ نیشان ل دەف ڤان نەساخا دیار ناکەن تنێ برێکا پشکنینا خوینێ دیار دبیت کو مروڤ توشی ڤی ڤایروسیوى.
ڤاکسین ب سێ جارا دھێتە دان جارا ئێکێ و پشتی ھەیڤەکێ و پشتی سالەکێ.
دیسان د.فەرھادە گۆت: مە قەزا زاخو یا دەست نیشان کری روژا شەمبی چالاکیەک ل وێرێ ئەنجام بدەین وبارودوخێ ڤێ نەخوشیێ ل دھوکێ و زاخو دیار بکەین بریکا بەلاڤوکەکێ ھندەک وانا ل سەر نەخوشیێ و ھەمی تەخێن جڤاکی دگریت ھەر ئێک ل رەخێ خو چ بکەت دیسان ئەم وەک ساخلەمی مە چ ژ خەلکێ دڤێت بو نە ھێلانا ڤێ نەخوشیێ ديسا مەرەما مە ژ ئەنجامدانا ڤێ چالا كيێ ل زاخو ئەوە ئەڤ نەخوشيە پتر ل وێرێ يا بەر بەلاڤە چونكو ھێلا سنورى يە دگەل توركيا.
تُتاح هذه الصورة أيضا في: کوردی
