رۆژانە کێشانا ئێک جگارە دشێت تە ب کوژیت؟
نوش نيوز:
ئەگەر تو ھزر بکەيی کێشانا ب تنێ ئێک جگارە د رۆژێ دا چ کارتێکرنێ ل سەر ساخلەمیێ ناکەت، تو یێ خەلەتی. ڤەکۆلەرێن بریتانی دیارکریە کو ئێک جگارە ژی دشێت کارتێکرنەکا نەرێنی یا پێشبینی نەکری ل سەر نەخۆشیێن دەمارێن دلی و جەلتێ ھەبیت.
جگارکێش دڤێت ب تمامی بھێلیت ل شوونا کێم کرنێ، هه‌كه پێدڤی بوو چارەسەریێن راوەستاندنێ وەرگریت، بۆ کێمکرنا مەترسیێ. دیسان ھشیاریەک بۆ وان گەنجان ئەوێن کو جگارێن “سڤک” دكێشن، چ جگارە ب ناڤێ جگارێن سڤک و کێمتر زیان نینن. گەنجێن بچووک پتر ژ کەسانێن مەزن ڤی جوری دکێشن. گەلەک جاران ب کێشانا ڤان جگارا ئەڤ گەنجە خۆ ب جگارکێش نا دانن، لێ ئەو ھەر د مەترسیا تووشبوونا نەخۆشیێن دلی دا نە.
ل دووڤ ڤەکۆلینا نوو یا بریتانی، کو ھەر پاکیتەکا ژ 20 جگاران پێک دهێت، ڤەکۆلەران دیارکر کو مەترسیا توشبوونا نەخۆشیا دلی و جەلتێ بۆ ھەر ئێک جگارە د رۆژێ دا دبیت 5% بیت، بەرامبەر کێشانا ئێک پاکیتە د رۆژێ دا.
نتيجة بحث الصور عن quit smoking
چاوان دێ جگارا ھێلین:
– پشتەڤانیێ ژ خێزان و ھەڤالان وەرگرە.
– ھێلانا جگارێ ب مەشقکرنێ گرێبدە، ھەر وەکو ڤەکۆلین دیار دکەت ئەو کەسێن راھێنان و مەشقێ دکەن سەرکەفتیترن د ھێلانا جگارێ دا.
– دوودل نەبە د وەرگرتنا دەرمانان دا، ھەر وەکو ھندەک دەرمان د ھاریکارن بۆ ھێلانا جگارێ.
– هه‌كه جگارە رێيەک بیت بۆ مامەلەکرن ل گەل فشارێ و خەمان، سەحکە رێيەکا دی کو جھێ جگارێ بگریت.
– ئەو ڤەخۆارنێن دبنه ئه‌گه‌رێ حەزا جگارێ پتر لێ بھێت کێم بکە، وەکو چا و کحول و ھەموو ڤەخوارنێن کافایين تێدا، چونکو ئەڤ ڤەخوارنە تاما تووتنێ خوشتر دکەن ل دەمێ کێشانێ.
تُتاح هذه الصورة أيضا في: کوردی
