ل مسرێ پارچە پەنیرەکێ ۳۲۰۰ سالی ھاتە دیتن
ئێن ئارتى:
مالپەرا بی بی سی دیار کر، شوونڤارناسان د ئەنجاما پشکنینا گۆرستانەکێ دا، پارچە پەنیرەک دیتنە کو دیرۆکا وێ بۆ ۳۲۰۰ سالان بەریا نھا ڤەدگەڕە.
دیتنا وی پارچە پەنیری، بۆ لێکۆلەران گرنگیەکا زێدە ھەیە، ژ بەر کو ھەیا نھا نەدھات زانین کو د مسرا کەڤن دە پەنیر ھاتبوو بەرھەمئانین یان نە!.
د ئەنجاما لێکۆینان دا ژی دەرکەتیە کو پەنیر ژ شیرێ بزنان ھاتیە چێکرن، لێ د نھا دە بەکتریایەک تێدە چێبوویە کو مرۆڤان تووشی نەخوەشیا برۆسیلۆسیس دکە.
نەخوەشیا برۆیلۆسیس ژی مرۆڤی تووشبوویی ڕاستی تایەک زێدە و نەخوەشیا ماسولکەیان دکە.
جھێ کو پارچە پەنیر تێدە ھاتیە دیتن، ل قاھیرەیا پایتەختا مسرێ یە و د قەبرێ بەرپرسەکێ وێ دەمێ یێ وی باژاری دە بوویە.
تُتاح هذه الصورة أيضا في: کوردی