نالین تەیمور:ب هیڤی مە سینەما كوردی پێش بكەڤت
تۆرا لالش:
نالین تەیمور،ئەكتەرا درامایا جان و جەگەرە كو كچەكا ئەكتەرا كوردە ل باكوورێ كوردستانێ یە و د نۆكەدا ل باژێرێ ئامێدیێ دژیت،دخوازت سینەما كوردی بچتە د قۆناغەكا پێشكەفتنخواز دا.
نالینێ بۆ رۆژناما دەنگێ لالش دیاركر،د نۆكەدا ل دەڤەرداریا ئامێدیێ دژیم و خێزاندارم لسەر كارێ خۆیێ هۆنەری یە بەردەوامم ل دەستپێكێ ب گۆڤەند گێرانێ دەست ب كارێ هۆنەری كر و پاشی رۆژ بۆ رۆژێ حەزا هۆنەری بۆ وێ مەزن بوو و كارێ دوبلاژا كوردی ژی كر و پاشی دناڤ درامایا كوردی و توركی دا پشكداری ل فلم و كورتە فلمان دا كر،ئَیك ژ وان درامایێن تێدا ب ناڤ و دەنگ بوویم جان و جەگەر بوو كو لسەر شاشا( TRT KURDÎ)دهاتە پەخشكرن و ئێك ژ ئەكتەرێن سەرەكی بووم و ناڤەرۆكا وێ ژی دەربرین ژ ئێش و ئازارێن خەلكێ و ژیانا خەلكێ یا ب هەڤڕا دناڤ تاخەكی دا دكر ل باژارێ دیاربەكر ل باكوورێ كوردستانێ.
هەروەسا گۆت:ب هیڤی مە سینەما كوردی ل پاشەرۆژێ پێشكەفتنەكا مەزن ب خۆڤە ببینت،ل هەر چار پارچان پێنگاڤێن مەزن بێنە هاڤێتن ژبۆ پێشخستنا سینەما كوردی.
تەكەزكر ژی ئەو جینۆسایدا بسەرێ ئێزدیان دا هاتی ل سالا(2014)ێ ل شنگالێ هەم وەك كوردەك و هەم وەك مرۆڤەك گەلەك پێ ئیشیام و خەمبار بووم،هەر ژبەر ڤێ چەندێ د خەلەكەكا درامایێ دا مە دەربرین ژ ئێش و ئازارێن گەلێ خۆ یێ ئێزدی كریە و هاریكاری ژبۆ وان كۆمكرن،هیڤیدارن گەلێ مە و هەموو مرۆڤایەتی ژ هەر ئێش و نەخۆشیەكێ دووربن و د پاراستی بن.
تُتاح هذه الصورة أيضا في: کوردی
