خالد دنایی یارێ بەلاڤكر
تۆرا لالش یا راگەهاندنێ
هۆنەرمەندێ ئێزدی(خالد دنایی) كو نهۆ ل وەلاتێ ئەلمانیا ئاكنجیە،ل هەفتیا بۆری كلیپا یارێ بەلاڤكر و لسەر ژمارەكا كەنالێن كوردی دێ ئێتە پەخشكرن.
خالد دنایی بۆ رۆژناما دەنگێ لالش دیاركر،ژ زارۆكینیا خۆ دا دڤیا سترانان بێژم و ل سالا(1999)ێ ئێكەم ئەلبوما خۆ بەلاڤكر و پشتی وی دەمی هێدی هێدی ل ناڤ خەلكێ دا ناڤداربووم و ل ئاهەنگان دەركەفتم و هەتا نهۆ (10)ئەلبوم تۆماركرینە و ژمارەكا سترانێن دی كو تاك تاك بووینە و بتریا وان لدۆر ئەڤینی و غەریبیێ بوون،ل هه‌فتيێن بۆرى كلیپەك بناڤێ یارێ بەلاڤكر كو ژ دەرهێنانا دەرهێنەر عادل ئاكرەی یە و لسەر ژمارەكا كەنالێن كوردی دێ ئێتە پەخشكرن،دووپاتكر خەلكێ وەلاتی ژ یێ دەرڤە بتر حەز و خۆشیێ دكەنە هۆنەری دا و ل دەما هەلكەفت و ئاهەنگان پشتەڤانیا وان كارتێكرنێ لسەر هۆنەرمەندی دكت و بتر دكارت ب خۆشی سترانان بێژت.
لدۆر كارێن داهاتی ئاشكەراكر،پشتی بۆرینا چەند سالان لسەر كۆمكوژیا ئێزدیان لسەر دەستێ داعش ،ڤێجا دێ سترانان لدۆر حەزا عاشقان چێكەم داكو بتر گرنژینێ بكەتە سەر لێڤێن وان و نهۆ ژی كار بۆ چێكرنا كلیپەكا نوو دكەم و ناڤەرۆكا وێ لدۆر ئەڤینیێ یە.
تُتاح هذه الصورة أيضا في: کوردی
