خیانەتا هەڤژینیێ
چنارشەمۆ قاسم
خیانەتا هەڤژینیێ ئەو كارە ئەندامەكی هەڤژینیێ ژن یان زەلام كریارەكا جۆتبوونێ ئەنجام ددەت دگەل كەسەكی دی ل دەرڤەی دەزگەهێ خێزانێ،ئەڤ چەندە ژی دبتە ئەگەرێ ئاریشێن مەزن دخێزانێ دا ، گەلەك جارا دبتە ئەگەرێ ژێكڤەبوونا هەڤژینان یان كوشتن و شەرمەزاركرنا خێزانێ و بنەمالێ ب گشتی،ئەگەرێن خیانەتا هەڤژینیێ چنە؟ بێزاری و مەلەل دژیانا هەڤژینیێ دا رۆتین و مەلەل دوژمنێ ژیانا هەڤژینیێ نە،ئەڤ چەندە بتر ل جەم زەلاما دیار دبت ژ ژنكا،لەوما زەلام ل پێ نووكرنێ دگەرت ل دەرڤەی خێزانێ و گرنگینەدانا ژنێ بخۆ چێدبت ژن خۆ و سەروبەر و پاقژیا خۆ پشتگۆه بكت پشتی ماوەیەكی درێژ ژ هەڤژینیێ و گرنگیێ نادت پاقژی و جوانیا خۆ، هۆسا هزر دكت زەلامێ وێ بەرێ خۆ نادەتە ئێكا دی چ جارا و هزرا ئینانا ژنەكا دی ناكت پشتی بۆرینا چەندین سالا ژ هەڤژینیێ و هەبوونا زارۆكا،هەروسا زێدە گرنگیدانا ژنێ ب زارۆكا پشتی شووكرنێ و ئینانا زارۆكا هزر دكت ئەركێ وێ بتنێ خزمەتكرنا مالێ و خودانكرنا زارۆكایە،لەوما گرنگیدانا وێ ب زارۆكا و كارێ مالێ بترە ژ یا زەلامێ وێ،د ئەنجام دا زەلام دئێتە پشتگۆه هاڤێتن و هەست ب نە گرنگیدانا خۆ دكت ل جەم ژنێ،حەزا بدەستڤەئینانا شارەزایا سكسی هندەك كەسێن هەین حەز دكن بتر شارەزایی و ئەزموزنا سكسی وەرگرن ئەڤ چەندە ژی دبتە ئەگەرەك بۆ خیانەتا هەڤژینیێ،ئەو ژن و زەلامێ گەلەك هەڤالێن ژ رەگەزێ بەرامبەر هەین تشتەكی رەوایە هەڤالینی دناڤبەرا ژن و زەلاما دا بەلێ هندەك جارا دبتە ئەگەرێ خیانەتا هەڤژینیێ،ژن یان زەلامێ چاڤ گرتی و هەردەم گازندا بكن ژ كارێن مالێ و زارۆكا ئەڤە ژی دبتە ئەگەرێ لاوازیا پەیوەندیێ دناڤبەرا ژن و مێران دا،ئاستێ ئابووری یێ خێزانی دبتە ئەگەرێ خیانەتا هەڤژینیێ ل جەم هندەك خێزانا بۆ بدەستڤەئینانا كوژمەكی دراڤی،هەروەسا هندەك جارا ئاستێ رەوشەنبیری و جوداهیا ئاستێ خووندنێ و جوداهیا تەمەنێ ژن و زەلاما ئەگەرێ خیانەتا هەڤژینیێ یە.
تُتاح هذه الصورة أيضا في: کوردی
