وەلاتیەك ستەم و نەهامەتیێن داعش دژی ئێزدیان ئاشكەرا دكت
تۆرا لالش یا راگەهاندنێ
وەلاتیەكی ئێزدی چیرۆكا خۆ ڤەدگەرینت دەمێ كەفتینە دەستێ رێكخراوا داعش دا و ستەم و نەهامەتیێن تیرۆرستان دژی ئێزدیان ئاشكەرا دكت،كو هەفت كەس ژ خێزانا وی كوشتینە.
وەلاتی(ئەحمەد نایف قاسم) خەلكێ قەزا شنگالێ یە بۆ رۆژناما دەنگێ لالش ئاشكەراكر،ل رۆژا(3/8/2014)ێ دەمژمێر(8)سبەیكێ ئەز ل هیڤیا خووشك و برایێن خۆ بووم كو ژ مالێ دەركەڤن و بگەهنە ئێك،بەلێ ئەز ژبلی وان دەركەفتم من چەكێ خۆ هلگرت و كەریەكی تەرش و تەوالی دا پێشیا خۆ بەر ب چیایێ شنگال چۆم و خێزانا من ل پشت من دهات بەردەوام پەیوەندی ب وان دكر،نێزیك(قەراچ)بەری چیایی كورێ برایێ من رێزان بەرجەس بۆ من دووپاتكر كو ل پشت من دئێن و گۆت ئەم تە ل پێشیا خۆ دبینن،پشتی چەند خۆلەكان من زانی تیرۆرستێن داعش ئەو دەستەسەركرن و ب مۆبایلێ پەیوەندی ب وان دكر،داعشەكی مۆبایل راكر و گۆت تە چ دڤێت من هیڤی ژێكرن و گۆتێ دلۆڤانیێ ب خووشك و برایێن من ببەن،گەلەك هیڤی ژێكرن و خۆ هاڤێتە بەختێ وان كو چوو ل مالباتا مە نەكن،بەلێ وی چەتەیێ داعش گۆت ب خودێ ئەم دێ هەموویان كوژین دەولەتا ئیسلامی پێتڤی ب خزمەتا وان نینە،پاشی من گوه ل دەنگێ گولەیێن وان بوو من دیت دەمێ ژن و كچ و زارۆك ل ترمبێلان سواركرین هنگی دەڤێ غەدارا خۆ ل وان ڤەكر و چەند شێلكەك د وان وەركرن،پشتی بێهنەكا خۆش ئەز هاتمە هنگاڤتن و گولەیەكا غەدارێ ب لنگێ من یێ راستی كەفت،پشتی هنگی ئەز ب برینا خۆڤە مژوول بووم ئەو ڤەگەریان.
دبەردەوامیا ئاخفتنا خۆ دا (ئەحمەد نایف)گۆت:پشتی(7)كەس ژ خێزانا من كوشتین و (4)ژن و(3)كچ و (15)زارۆك ب ئێخسیری برین هەموو كرنە د دوو تمبێلان دا بەلێ نایف بەرەكات نایف خۆ كرە دناڤ وان بەتەنیێن د پشتا تمبێلێ دا خۆ دناڤ دا ڤەشارت و كاری خۆ ژ دەستێ زۆرداران قورتال بكت وی زارۆكی گۆت پشتی هەر دوو تمبێلێن مە گرتین و دەستەسەركرین،زەلام لسەر چۆكان رێزكرن و من دیت دەمێ ب غەداران گولەبارانكرن و بەرێ گولەیان ددانە سەرێ وان،ژمارا تمبێلێن داعش(15) بوون هەموو دەبل قەمەرەبوون پشتی من زانی چەتەیێن داعش چۆن ئەز هاتمە خوارێ تەماشەی كەلەخێن مالا خۆ كر و كرە قیری و گازی،لێ وی دەمی هەموویان گیانێ خۆ ژ دەست دابوو، ئەز چۆم و دەربازی جادەیێ بووم،چەند پێنگاڤان بەر ب چیایی چۆم من ترمبێلەكا چەتەیێن داعش دیت دەمێ ل جادەیێ دەربازبووی،من خۆ هاڤێتە پشت كەڤرەكی و وان ئەز نەدیتم پشتی هنگی خودانێ تەرەكتەرەكێ هات و دوی دەراڤی دا دیتم دگەل خۆ هلگرتم و برمە چیایی و پشتی چیرۆكا خۆ بۆ گۆتی هنگی بەردام هەتا گەهاندیمە جەم مرۆڤێن مە.
ئەحمەدی دووپاتكر،چۆمە چیایی و ل وێدەرێ ب مۆبایلا خۆ پەیوەندی ب برایێن خۆ كر ئێك ئێكە،ل هەموو پەیوەندیان چەتەیێن داعش بەرسڤا من ددان و دگۆتن مە برایێن تە كوشتن من گوتە وان هەوە بۆچی كوشتن.
ئەو چەندە ژی ئاشكەراكر،هەفت كەس ژ خێزانا من هاتینە كوشتن و ئێك ژ وان جانگۆری(جیلان بەرجەس نایف) ل رۆژا(20/8/2018)ێ داعش دەستەسەركر و ل قوتابخانا(الزهرا‌و)دا ل قەزا (تللەعفەر) نەهێلا تیرۆرست دەستدرێژیێ لێ بكن و داوی ب ژیانا خۆ ئینا.
تُتاح هذه الصورة أيضا في: کوردی
