هەتا نهۆ گازا سپی لسەر ئاوارێن شنگالێ ل كەمپان نەهاتیە بەلاڤكرن
تۆرا لالش یا راگەهاندنێ
رێڤەبەرێ كەمپا بێرسڤێ2 یا ئاوارێن شنگالێ ئاشكەراكر هەتا نهۆ ژلایێ هیچ ئالیەكی ڤە نەهاتینە ئاگەهداركرن،كو گازا سپی بسەر ئاواران ل ناڤ كەمپان دا بێتە بەلاڤكرن.
(ماهر مشۆ چۆلی) بۆ رۆژناما دەنگێ لالش راگەهاند،ب هاتنا وەرزێ زڤستانێ رەوشا ئاواران دناڤ كەمپان دا بزەحمەت دبت وەك كارگێریا كەمپێ پلان بۆ وەرزێ زڤستانێ دانایە،بگرە ژ چێكرنا لژنەكێ بۆ وان حالەتێن كو بزەحمەت و زوو پێتڤی ب هاریكاریێ دبن داكو ب هاوارا وان بچن ،هەروەسا دگەل رێكخراوا قەندیل هەماهەنگی هەیە بۆ هەر حالەتەكی كو چادرێن وان ژناڤ بچن كو هەر زوو دێ چادر و كەلوپەلێن دی یێن پێتڤی بۆ دابین كەین و گۆت:((هەتا نهۆ ژلایێ هیچ ئالیەكی و رێكخراوان ڤە نەهاتینە ئاگەهداركرن كو گازا سپی ل ناڤ كەمپان دا بێتە بەلاڤكرن یان نە)).
ئاماژە ب وێ چەندێ دا ل نێزیك جلك لسەر زارۆكێن هەتا تەمەنێ(14) سالی و پێتڤیێن زڤستانێ لسەر رزگاربوویێن ژ دەستێ داعش و ئێتیم و بیژنان دێ ئێنە بەلاڤكرن،هەروەسا رێكخراوا كوردۆس ب هەماهەنگی دگەل بۆردێ كاروبارێن مرۆڤایەتیێ(BRHA) ل پارێزگەها دهۆكێ دەست ب چێكرنا یاریگەهەكا فوتبۆلێ ل ناڤ كەمپێ دا كرینە و دێ كەفتە دخزمەتا وەرزشڤانێن كچ و كور یێن دناڤ هەردوو كەمپێن بێرسڤێ 1 و 2 دا.
تُتاح هذه الصورة أيضا في: کوردی
