باشنڤیس جەبیر سەعید:هەلبژارتنا رەنگان لسەر ئارەزۆیا كاری یە
تۆرا لالش یا راگەهاندنێ
باشنڤیس(جەبیر سەعید ئۆسمان) خەلكێ كۆمەلگەها شاریا و ئەندامێ كۆمەلا باشنڤیسێن دهۆكێ یە،د دیدارەكێ دا بۆ رۆژناما دەنگێ لالش ئاشكەراكر ب پشتەڤانیا مامۆستایان ل قوتابخانێ بوو پالدەر تێكەلی ڤی كاری ببم و نهۆ كارێ باشنڤیسینا لافیتان و كێلێن مریان و هندەكێن دی دكەم،هەروەسا پشكداری چ خۆلان نەبوویمە و تنێ بەهرەیە،دیسان هەلبژارتنا رەنگان لسەر ئارەزۆیا كاری دمینت.
لدۆر حەزا كارێ باشنڤیسێ(جەبیر سەعید) خویاكر، هەر ل دەستپێكا قوتابخانێ ل قۆناغا سەرەتایی خودان باشنڤیسەكا سەرەنجراكێش بووم و چەندین كارێن رێنڤیسێ بۆ قوتابخانان كرینە،ل قۆناغێن جودایێن خووندنێ ئەو كارێ مامۆستایان ب من دایە كرن بوو پالدەر كو خۆ پتر تێكەلی ڤی كاری ببینم و باوەریەكا مەزن دا من و هەمان دەم دا وەكو رێنمایی ئەتەكێتێن باشنڤیسی مفا ژ خودێ ژێ رازی مامۆستایێ باشنڤیس (زیرەك) وەرگرتینە،ل تەمەنێ نۆزدە سالیێ دا من ل دهۆكێ دكانەك ڤەكر د بیاڤێ باشنڤیسینێ دا ب پشتەڤانیا ئەندازیار كامل خودێدا هەرچەندە باشنڤیسی كارێ وی نەبوو لێ ئەو بوو رێخۆشكەر ب دروستی بێمە دناڤ گۆرەپانا ڤی كاری دا،نهۆ كارێ باشنڤیسینا لافیتان و هەر كارەكی گرێدایی دكەم، هەروەسا پشكداری د چ خۆلان دا نەكریە كو فێر ببم ،بەلكو خودایێ مەزن ئەڤ بەهرە دایە من، هەتا نهۆ چار خۆل ژبۆ وان كەسێن حەزا ڤی كاری هەی ڤەكرینە.
دەربارەی هەلبژارتنا رەنگان گۆت:هەلبژارتنا رەنگان لسەر ئارەزۆیا كاری یە،لێ ئەز ژی ئارەزۆیا خۆ یا رەنگان تێكەل دكەم.
دەربارەی كاریگەریا تەكنەلۆژیایێ جەبیری ئاشكەراكر،پێشكەفتنا تەكنەلۆژیایێ كارتێكرن لسەر كارێ مە كریە و بوویە ئەگەر هندەك هەڤپیشەیێن من دوور بكەڤن ژ كاری ،لێ من خۆ دگەل پێشكەفتنێ گونجاندیە و من نەهێلایە كارتێكرنێ ل كاری بكت.
ژلایەكی دی ڤە باشنڤیسی دیاركر، ل سالا (2014)ێ دا ب هەڤكاریا هەڤالەكێ خۆ یێ شنگالی فێری كارێ نڤیسینا لسەر كێلێن مریان بووم،نهۆ ڤی كاری ب شێوەیەكی سەربەخۆ دكەم و لسەر داخوازا خەلكی بەردەوامم،ژبەركو بتنێ ئەز ل كۆمەلگەها شاریا ڤی كاری دكەم.
سەبارەت پشكداریكرنێ دپێشانگەهان دا راگەهاند،گەلەك داخوازی هاتینە كرن پشكداریێ د پێشانگەهێن نێڤ دەولەتی دا بكەم لێ من رەتكریە،بتنێ پشكداری د پێشانگەهەكێ دا ل وەلاتێ توركیا كریە.
ئەو چەندە ژی رۆنكر،پشتی جینۆسایدا ئێزدیان ل شنگالێ ل (3/8/2014)ێ وی هاریكاریا خەلكێ شنگالێ كریە و بێ بەرامبەر لافیتە بۆ بیرئانینا جینۆسایدێ دروستكرینە.
تُتاح هذه الصورة أيضا في: کوردی
