شنگال كەلها خەباتێ
سەردار داود
ل نیڤا حەفتێ ل چەرخێ بۆری
دكتاتۆر سەدام و عزەت دوری
ل شنگالێ دانان كۆمەلگەهێن ب زۆری
نە بۆ ژیانەكا بەختەوەرتر
و نەكە پێشكەفتنەكا مەزنتر
بەلێ بۆ جینۆسایدێ و ڤەقەتینێ ژ كوردستانێ
بەلێ بۆ مرنێ و نەهێلانێ و نەمانێ
شنگال نەحەلیا بڤی كاری
و ما هەتا بارانا رەحمێ لێ باری
ل 2003 ڤەگەریا شوین واری
تێنیا وان بڤی كاری نەشكەست
و دناڤ خۆدا دگۆت ئەڤە دەركەفتن ژ دەست
رابن گوندێن وان بكەنە دەشتەكا راست
بكارئینان تمبێلێن مینرێژ
زڤرینا دیرۆكا خۆ یا درێژ یا خوون رێژ
تەكی كوشت ڤەمایێ دكتاتوری
تەكی كوشت دویڤەلانكێ عزەت دوری
لبەر چاڤێن تەیێن تاری و دلێ تەیێ رەش
عەونی و ناڤخۆش بوونا تونی بلێر و جۆرج بۆش
شنگالیمە و توو دزانی مێرخاسم
خودانێ من شەرفەددینە و شێبل قاسم
یێ ب ئەگالم بەس نەیێ پێ خاسم
كوردەكی رەسەنم ئەز خۆ دناسم
ئیرۆ ژ خەلكێ خۆ دخوازم
برایی ژ دوژمنی بناسن
بلا بەس بت خۆ لێدان و گرین
و بەركرنا جلكێن رەش و شین
یان بسەر بلندی دێ ژین
یان هەموو دێ پێكڤە مرین
تُتاح هذه الصورة أيضا في: کوردی
