ئاوارەیەكێ شێوەكار وێنەیان ب تەقنێ ل سەر خیڤەتان چێدكەت
باسنيوز:
ئاوارەیەكێ كەمپا شاریا پتریا خیڤەتێن ئاوارەیان ل ناڤ كەمپێ دا ب تەقنێ وێنەكرینە و ئاشكرا دكەت كو ئەڤە 16 سالە ئەو شێوەكار و نەشێت كارێ خوە بهێلیت.
شێوەكار دلۆڤان سلێمان، ئاوارەیەكێ شنگالێ یە و نها ل كەمپا شاریا ئاكنجیە بۆ (باسنیۆز) خویاكر، بەری ئەز ئاوارە ببم من كارێ شێوەكاریێ ل شنگالێ دكر و پشتی ئاوارەبوونێ ژی ئەز ژ كارێ خوە نەڤەقەتیام و نها هەموو وێنەیێن خوە ل سەر ئێش و ئازارێن ئێزدیان ل سەر خیڤەتێن ئاوارەیان ب تەقنێ درۆست دكەم.
ئاشكرا ژی كر، چو ئامیر و كەرەستە ل بەر دەستێ من نینن، بەلێ من دەست هاڤێتە تەقنێ كو چو مەزاختی لێ ناچن و بۆ من ژی كارەكێ خۆشە كو د ناڤ خەلكێ خوە یێ ئاوارە دا ئەز ئێش و ئازارێن وان بەرچاڤ دكەم و زارۆك ژی گەلەك كەیفێ ب ڤان وێنەیان دبەن.
گۆتیشی: مەرەما من خەملاندنا خیڤەتێن ئاوارەیانە بۆ هندێ پیچەكێ خوە ژبیرڤەبكەن، لێ ل گەل بارانا هەر بارانەكێ وێنەیان من ژی ل گەل ئاڤا بارانێ دچن.
تُتاح هذه الصورة أيضا في: کوردی
