سفیان دلكانی:هۆزانا كوردی د ئاستەكێ باش دایە
سالار فائز
هەلبەستڤانێ گەنچ”سفیان دلكانی” د دیدارەكێ دا بۆ گۆڤارا خازر بەحسێ ژیانا خۆ كر.سفیان بەدل ئەلیاس تێتە ناسین ب سفیان دلكانی كو ژ دایك بوویێ سالا 1987ز ل گوندێ تەبا ل قەزا شنگالێ ،ژبلی هەلبەستێ پێنچ سالا كاركریە ل رادیویا دەنگێ كوردستان ل شنگالێ.
هەروەسا ژبلی ڤان هەردوو كارا تایبەت ل كارەساتا چیایێ شنگالێ كاركریە سەر كامیرێ و دیكیۆمێنتكرنا وان تاوانا دا ببنە بەلگە بۆ سبەی،ژبۆ جینۆسایدا ئێزدیا و سفیان دبێژت من بەژداری كریە ل چەندین شەرا مل ب ملێ پێشمەرگەهێن خۆراگر ل چیایێ شنگالێ و من وەك پەیامنێر ل كەنالێ زاگرۆس تیڤی كاركریە و رۆژنامە دەنگێ لالش و من دەست ب نڤیسینا هەلبەستێ كریە سالا 2007، بەلێ پشتی 3 سالا و سالا 2010 من هۆزانێن خۆ بەلاڤ كرن و هۆزانێن من پتریا وان سەر ئێش و ئازارێن مللەتێ منن و هندەك یێن ئەڤینداریێ نە ژی،دیسا سەر وەلاتی ژی من نڤیسینە .و چەند كەسا هاریكاریا من كریە بوونە پشتەڤانێن رێبازا من یا هۆنەری وەك مامۆستا عیدۆ خەلەف و عیدۆ هەسكانی و دەزگەهێ رادیویا شنگالێ.
ئەز دبینم هۆزان هۆنەرەكە ژ جیهانەكێ بەرفرەترە و مرۆڤ دكارت برێكا هۆزانێ دەربرینێ ژ هەستێت خۆ بكەت یان چیرۆكێن دروستی بكەتە هۆزان،و هەتا نها من سێ هەلبەست كلیپ كرینە و ئەز دبینم هۆزانا كوردی د ئاستەكی باش دایە،چونكی هۆزانڤانێن كورد خۆ دوور دكەن ژ بكارئینانا پەیڤێن بیانی و دیسان برێكا هۆزانێ خزمەتا وەلاتێ خۆ دكەن وەك پشتە ڤانیا پێشمەرگەیێ قارەمان،بەلێ مخابن جارنا راگەهاندن رۆلێ هەلبەستڤانا خویا ناكەت و كارێ من یێ بەردەست مژولی چێكرنا پەرتووكەكێ مە ب زمانێ كوردی و عەرەبی.
تُتاح هذه الصورة أيضا في: کوردی
