مەزنترین پرۆژێ هۆنەری ل شنگالێ هاتە ئەنجامدان
تۆرا لالش یا راگەهاندنێ/سالار فائز
تیپا گرعزێر یا هۆنەری سەرب رێڤەبەریا شانۆگەریا دهۆكێ ڤە بەحسێ ناڤەرۆكا كورتە فلمێ”چیایێ ئاسێ” دكت،كو مەزنترین پرۆژێ هۆنەری یە ل شنگالێ هاتیە ئەنجامدان.
ئەڤ كورتە فلمە نێزیكی چل و پێنچ خۆلەكایە و ل چیایێ شنگالێ و دەوروبەرێن وێ دئێتە تۆماركرن و روودانێن ڤی فلمی سەر تاوانێن داعشێ نە و ئێش و ئازارێن ئێزدیان،ئەڤ فلمە دەربرینێ دكت ژ وی دەمێ دەست ب سەرداگرتنا گوند و باژێرێن ئێزدیا ژ ئالێ هۆڤ و دوژمنێن مرۆڤایەتیێ داعشێ ڤە و رەڤاندنا ب سەدان كچ و ژنێن ئێزدیا و ئیشاندنا وان ،ب هەموو رێكا تایبەت گوندێ كۆچۆ كو كۆم كوژی لێ هاتە ئەنجامدان.
ئەڤ فلمە ژ نڤیسینا “سالم حسێن” و دەرهێنان “فارس مشكۆ”یە و دەستەكا مەزن ژ كور و كچا پشكداری ڤی فلمی نە،هەروەسا هۆنەرمەندێ بناڤ ، دەنگ”دەخیل ئۆسمان”ژی پشكدارە وەك ئەكتەر تێدا كو هژمارا ئەكتەرا پترە ژ سەد كەسی ژ هەدروو رەگەزا، لەورا تێتە هژمارتن مەزنترین پرۆژێ هۆنەری ل شنگالێ،پشتی كارەساتێ،هەروەسا بۆ تۆماكرنا وی باشترین جۆرێن كامیرا و ئامێر و تەكنیكەكا بلند هاتیە بكارئینان.
تیپا گرعزێر بزاڤێ دكت ڤی كورتە فلمی بەلاڤ بكت ل سەرانسەری جیهانێ و پشكداری ڤیستەیڤالێن ناڤخۆیی و نێڤ دەولەتی بت،ژبۆ نیشاندانا ئێش و ئازارێن ئێزدیان بۆ جیهانێ.
تُتاح هذه الصورة أيضا في: کوردی
