کۆمپانيا گۆگل هوشداريه‌كێ دده‌ته بكارهينه‌رێن گۆگل كرۆم
گاڤ نيوز
كۆمپانيا گۆگل هوشدارى دانه بكارهينه‌رێن گوگل كرۆم كو هنده‌ك هێرش ژ لايێ هاككه‌رێن ئه‌نترنێتێ ڤه ل سه‌ر هاتينه كرن.
ل گۆره‌ى رۆژنامه‌يا ده‌يلى مه‌يل يا بريتانى؛ كۆمپانيا گۆگل 30 ڤالاتيێن ئێمناهيێ د گۆگل كرۆمى دا ڤه‌ديتينه كو 7 ژ وان مه‌ترسيێ ل سه‌ر بكارهينه‌ران په‌يدا دكه‌ن.
گۆگل رادگه‌هينيت كو دێ د رۆژێن بهێت دا ئه‌پدێته‌كێ بۆ گۆگل كرۆم به‌رده‌ست كه‌ت ژ بۆ چاره‌سه‌ركرنا وان ڤالاهيێن ئێمناهيێ يێن كو كارتێكرنێ ل سه‌ر بكارهينه‌رێن وێ د ويندوزى و سيسته‌مێن دى يێن بكارئينانا وى پرۆگرامى دا دكه‌ن.
سكاى نيوز عه‌ره‌بيه دياركريه؛ تا نوكه ديار نه‌بوويه كيژ لايه‌ن ل پشت هاككرنێ يه هه‌روه‌سا زه‌لال نه‌بوويه كا ئێمناهيا بكارهينه‌ران ژ دزينا ئه‌كاونت و پاسوورد و زانياريێن وان كه‌فتينه د مه‌ترسيێ دا يان نه.
كۆمپانيا گۆگل ل دۆر ڤێ چه‌ندێ رادگه‌هينيت؛ ئه‌م هويركاتيێن پتر ئاشكرا ناكه‌ين تا كو كێشه‌يێ بۆ پرانيا بكارهينه‌ران چاره‌سه‌ر نه‌كه‌ين.
دهێته چاڤه‌رێكرن د رۆژێن بهێت دا گۆگل كرۆم ب ئوتوماتيكى خۆ ئه‌پدێت بكه‌ت و كێشه‌يێ ل گه‌ل دا چاره‌سه‌ر بكه‌ت يان ژى بكارهينه‌ر ب خۆ ب رێكا سێتينگس دێ شێت ئه‌پدێت كه‌ت.
تُتاح هذه الصورة أيضا في: کوردی
