هژمارەكا پرۆژەیێن خزمەتگۆزاری ل ناحیا باشیكێ دێ ئێنە ئەنجام دان
تۆرا لالش:
ڕێڤەبەرێ ناحیا باشیكێ ئاشكەراكر كو نۆكە كار ل سەر چەند پرۆژەیێن هەمەجۆر دئێتە كرن،ل سەر بوودجەیا 2022 هژمارەكا پرۆژەیێن دی یێن خزمەتگۆزاری ل باشیكێ دێ ئێنە ئەنجام دان.
زەنون یونس، ڕێڤەبەرێ ناحیا باشیكێ بۆ دەنگێ لالش گۆت:هندەك پرۆژە وەكو جاددە و باخچە ل سالا 2020ل دەڤەرا باشیكێ هاتبوونە ئەنجام دان نۆكە كار ل سەر تەمامكرنا وان یێ دئێتە كرن،هەروەسا ل ل سەر بوودجەیا 2022 هژمارەكا پرۆژەیێن دی یێن خزمەتگۆزاری ل باشیكێ دێ ئێنە ئەنجام دان ئەو ژی هەموو جاددەیێن سەرەكی یێن دئێنە باشیكێ و سەنتەرێ ناحیێ و ڕێیێن نافخۆیی یێن نێزیكی 15گوندان دێ چێكرن و قیركرن،زێدەباری چێكرنا دوو پاركێن گشتی بۆ بێنڤەدانا وەلاتیان.
زێدەتر گۆت:هەر دەما بوودجەیا عێراقێ یا سالا 2022هاتە پەسەندكرن دەست ب ئەنجامدانا ڤان پرۆژەیێن خزمەتگۆزاری دێ ئێتە كرن،چنكو دەڤەر ب گشتی پێتڤی ب ڤان پرۆژەیانە.
تُتاح هذه الصورة أيضا في: کوردی
