نوونه‌رێ حكومه‌تا هه‌رێمێ:جڤاكێ نێڤ ده‌وله‌تى نه‌خشه رێيه‌ك بۆ ئاسايكرنا ره‌وشا شنگالێ دانايه
ئەوروپا-KDP.info-
نوێنەری حکوومەتی ھەرێمی کوردستان لە یەکێتیی ئەوروپا گوتی، نەخشەرێگایەک لەلایەن وڵاتی بەلجیکا دانراوە کە دۆخی شنگال ئاسایی بکرێتەوە، بۆ ئەوەی شنگال ئاوەدان بکرێتەوە و خەڵکیشی بۆ بگەرێتەوە، چونکە تا ئاسایی نەکرێتەوە ناتواندرێت ھیچ ھەنگاوێکی بۆ بنرێت، بۆیە ئەوەی ھەیە وەکو فشارێکە لەسەر عێراق و لەسەر ئەوان دەمێنێت ئەو خاڵانە جێبەجێ بکەن.
نوێنەری حکوومەتی ھەرێمی کوردستان لە یەکێتیی ئەوروپا، دلاوەر ئاژگەیی، بۆ ماڵپەڕی فەرمیی پارتی دیموکراتی کوردستان گوتی: “لە ساڵیادی کارەساتی شنگال ئێمە لە یەکێتیی ئەوروپا توانیمان ئەو کارەساتە بە جینۆساید بناسرێت و ئەوەی پەیوەندی بە ئێمەوە ھەیە لە بڕۆکسل سێ وڵاتە، بەلجیکا و ھۆڵەندا و پەرلەمانی ئەوروپا کە دانیان پێداناوە و ئێستا ماوە وڵاتانی دیکە کە ھاوکارمان بن وەکو ئەڵمانیا و سوید و فەرەنسا کە کاری لەسەر دەکەن، کە ئەوەی پەرلەمانی ئەوروپا دەبێتە پاڵپشتیەکی باش بۆ ئەوان”.
دلاوەر ئاژگەیی گوتیشی: “پەرلەمانی بەلجیکا نەخشە رێگایەیکی داناوە کە دۆخی شنگال ئاسایی بکرێتەوە و قەرەبووکردنەوەی ھاووڵاتیان و گەڕانەوەی خەڵکی شنگال و گرتنەبەری ھەندێک رێکار کارەساتی وا دووبارە نەبێتەوە، بۆیە خاڵی گرنگی تێدایە، بەڵام ئەوە لە ناوخۆی عێراقە و پێویستە عێراق ئەو خاڵانە جێبەجێ بکات کە ئەمە خۆی لەخۆیدا کۆمەڵگای نێودەوڵەتی وەکو فشارە لەسەر عێراق ئەو بابەتە بەجدی وەرگرێت، بۆیە پێویستە لە ناوخۆی عێراق کاری لەسەر بکات و پێویستی بە ھەنگاوی کرداری ھەیە”.
ئاژگەیی ئەوەشی خستەڕوو: “ئەوەی گرنگە دۆخەکە ئاسایی بکرێتەوە کە خەڵک بگەرێتەوە و کۆمەڵگای نێودەوڵەتیش پابەندە بەوەی کە شنگال ئاوەدانبکرێتەوە، بەڵام تا ئاسایی نەکرێتەوە ئاوەدانکردنەوە و گەڕانەوەی خەڵک زەحمەتە، ئەوەش پەیوەندی بە دۆخی سیاسی عێراقەوە ھەیە”.
تُتاح هذه الصورة أيضا في: کوردی
