بنگه‌هێ لالش تايێ شنگال بيره‌وه‌ريا جينۆسايدا ئێزديان ساخكر
تۆرا لالش يا راگه‌هاندنێ
ئيرۆ 2/8/201ێ و ب ئاماده‌بوونا ژماره‌كا كه‌سايه‌تى و دام وده‌زگه‌هێن حزبى و ميرى و رێكخراوان و ره‌وشه‌نبير و جه‌ماوه‌ره‌كى زۆر،بيره‌وه‌ريا دلته‌زينا جينۆسايدا ئێزديان ل شنگال ل كه‌مپا چه‌م مشكۆ هاته ساخكرن.
بنگه‌هێ لالش تايێ شنگال و نڤيسينگه‌هێن بسه‌رڤه ب هه‌ڤكارى دگه‌ل گرۆپێ هيڤى يێ خۆبه‌خش و خێزانا دى شه‌مێ،بيره‌وه‌ريا دلته‌زينا جينۆسايدا ئێزديان ل كه‌مپا مشكۆ ساخكرن.
ل پێشيێ وه‌ك رێزگرتن بۆ گيانێ پاكێ جانگۆريێن جينۆسايدێ ئاماده‌بووى خۆله‌كه‌كێ سه‌كنين،ل پێرا ئاهه‌نگا ماته‌مينى ده‌ستپێكر و په‌يڤا بنگه‌هێ لالش و گرۆپێ هيڤى و داى شه‌مێ و مه‌حما خه‌ليل شيره‌تكارێ په‌رله‌مانێ كوردستانێ هاتنه خووندن.
دبرگه‌يه‌كا دى دا قاره‌مانيا جانگۆرى جيلان و چاوانيا رووبرووبوونا داعشێ هات نيشاندان و چه‌ند هۆزان هاتن خووندن.
پاشى خێزانا داى شه‌مێ ب ئارمێ جانگۆرى جيلان و خێزانا جانگۆرى خێرى شێخ خدر ب ئارمێ جانگۆرى شێخ خێرى و شه‌مۆ خه‌له‌ف ته‌علۆ ب ئارمێ قوربانيان هاتن خه‌لاتكرن.
ژلايه‌كى دى تاجه گولين لسه‌ر وێنێن جانگۆريێن خێزانا داى شه‌مێ هاتنه دانان.
ل داويا ئاهه‌نگا ماته‌مينى كۆمه‌كا ستران و هۆزانێن خه‌مگين ژبال چه‌ند هۆزانڤانان ڤه هاتنه گۆتن كو ده‌ربرين ژ ئازارێن ئێزديان دكرن.
تُتاح هذه الصورة أيضا في: کوردی
