ل خانكێ ژمارەكا پرۆژان دێ ئێنە بجهئینان
تۆرا لالش یا راگەهاندنێ
سەرۆكاتیا باژێرڤانیا خانكێ ئاشكەراكر،ل دەمەكی نێزیك دێ دەست ب بجهئینانا ژمارەكا پرۆژەیان ل كۆمەلگەهێ ئێتە كرن.
سەرۆكێ باژێرڤانیا خانكێ(حەمود غەربی)بۆ رۆژناما دەنگێ لالش راگەهاند،ل دەمەك نێزیك دێ چەند جادە ئێنە سەخبێركرن و چێكرن،ژوانا ژی جادا خزمەتگۆزاری ل خانكێ ب درێژاهیا (1)كم و ب كوژمێ نێزیكی (50) پێنجی ملیۆن دینارێن عێراقی لسەر دوو قۆناغا دێ ئێتە سەخبێركرن و جادەیەكا ناڤخۆیی ب درێژاهیا (175) م ب كوژمێ (41) ملیۆن دیناران ئێتە چێكرن و گۆت:((چەند پرۆژێن دی لبەردەستن و رازەمەندی بۆ هاتیە كرن ژ جیێن پەیوەندیدار،ژ وان پرۆژان سەخبێركرنا رێیا كەمپا خانكێ زێدەباری چێكرن و قیركرنا رێیا هۆلا هەلكەفتان یا گوندێ زەینیات و رازەمەندی بۆ هاتیە كرن كو رێیا هۆلێ دێ ژلایێ رێڤەبەریا رێك و پرا ل دهۆكێ ئێتە چێكرن)).
ئاماژە ب وێ چەندێ دا ژبەر قەیرانا دارایی زیانەك مەزن ب كارێ وان كەفتیە،ژبەر نەبوونا بوودجەیێ پێتڤی نكارینە پرۆژێن خۆ یێن سالێ بۆری ئەنجام بدەن،ل داهاتی و ل پێ شیانێن خۆ دێ پرۆژێن گرنگ و پێتڤێ ئەنجام دەین.
تُتاح هذه الصورة أيضا في: کوردی
