حكوومه‌تا عێراقێ جڤاته‌كا نه شه‌رعى بۆ قه‌زا شنگال دانا
باسنيوز:
سه‌رۆكێ جڤاتا قه‌زا شنگال دیاركر: “ئه‌ڤرۆ 27/12/2018 دناڤ سه‌نته‌رێ قه‌زا شنگالێ دا حكوومه‌تا عێراقى جڤاته‌كا نه‌شه‌رعیى دامه‌زراندن شوونا جڤاتا شه‌رعیى یا شنگال”.
وه‌یس نایف، سه‌رۆكێ جڤاتا قه‌زا شنگال بۆ(باسنیوز) دیاركر: “ئه‌و جڤاتا ئه‌ڤرۆ ل شنگال هاتیه دانان ب سه‌رۆكاتیا (سه‌عید ملحم) ئه‌م ره‌ت دكه‌ین ب هیچ شێوه‌یه‌كى نابیت دانپێدان پێ بهێته كرن ب توند ئه‌م ڤان ره‌فتارین حكوومه‌تا عێراقى و گرۆپێن نه قانوونى ل شنگال شه‌رمه‌زاردكه‌ین دى ئه‌م ب هیچ ره‌نگه‌كى لسه‌ر بێده‌نگ نابن دێ دادگه‌ها فیدرال ل عێراقى سكالایى ل سه‌ر وان كه‌س و لایه‌یان تۆماركه‌ن یێن ئه‌ڤ كارى نه‌قانوونى ل شنگال ئه‌نجامدایى”.
خۆیا ژى كر، حكوومه‌تا عێراقى پێگیریى ده‌ستۆرى وقانوونى ناكه‌ت و جڤاته‌كا دى شوونا جڤاتا شه‌رعیى یا شنگال پێك ئینا ئه‌ڤرۆكه ئه‌و جڤاتا ب ئالایى عێراقى ل شنگال هاته دانان.
ئاشكه‌را كر. جڤاتا شه‌رعیى یا شنگال هه‌یه و نابیت حكوومه‌تا عێراقى جڤاته‌كا دى ل شنگال دروست بكه‌ت ئه‌م دى هه‌موو هه‌ولدانان كه‌ین زووترین وه‌خت حكومه‌تا عێراقى بریارا هه‌لوه‌شاندنا جڤاتا نه شه‌رعیى یا شنگال بده‌ت.
تُتاح هذه الصورة أيضا في: کوردی
