خێرخوازەك گازا سپی لسەر قوتابخانێن كۆمەلگەها بابیرێ بەلاڤ دكت
تۆرا لالش یا راگەهاندنێ
خێرخوازەكی كۆمەلگەها بابیرێ رابوویە ب بەلاڤكرنا گازا سپی ل سەر پێنج قوتابخانان دا ،بۆ هەر قوتابخانەكێ (220)لێترێن گازێ هاتینە دان.
رێڤەبەرێ قوتابخانا بابیرێ یا بنەرەتی یا تێكەل(سلێمان حەجی) بۆ رۆژناما دەنگێ لالش دیاركر،پشتی وەرزێ زڤستانێ دەستپێكری و پلێن گەرمێ هاتینە خوار هەتا نهۆ گازا سپی ژلایێ حكومەتێ ڤە نەهاتیە دان،لەوا بۆ دابینكرنا گازێ مە داخوازەك ئاراستەی خێرخوازێ ئێزدی(بەشیر كوریە) ژ گوندێ مشرڤێ سەر ب كۆمەلگەها بابیرێ ڤە كر و ب گەرمی پێشوازیا داخوازیا مە كر و گازا سپی لسەر هەر پێنج قوتابخانێن كۆمەلگەهێ دا هاتە بەلاڤكرن و هەر قوتابخانەكێ (220)لێترێن گازێ وەرگرتن.
گۆتژی وەك رێڤەبەرێن قوتابخانان و بناڤێ سەمیانێن قوتابیان سوپاسیەكا بێ سنوور ئاراستەی خێرخوازی دكەین،هەروەسا داخوازێ ل حكومەتا هەرێما كوردستانێ دكەین گازا سپی لسەر قوتابخانێن بابیرێ دا بێتە بەلاڤكرن.
تُتاح هذه الصورة أيضا في: کوردی
