ڤیان ده‌خیل: پارتی ده‌ستبه‌رداری پۆستێ سه‌رۆككۆمارێ ئیراقێ نابیت
WAAR-دهۆك:
په‌ڕله‌مانتاره‌كا به‌رێ یا پارتی ل په‌ڕله‌مانێ ئیراقێ راگه‌هاند؛ پارتی ده‌ستبه‌رداری پۆستێ سه‌رۆككۆمارێ ئیراقێ نابیت و سه‌رۆك بارزانی دێ به‌ربژارێ وی پۆستی ئێكلا كه‌ت.
د داخویانیه‌كێ دا، ڤیان ده‌خیل په‌له‌مانتارا به‌رێ یا پارتی گۆت: پارتی نه تنێ ل سه‌ر ئاستێ هه‌رێما كوردستانێ، به‌لكو ل سه‌ر ئاستێ هه‌موو ئیراقێ حزبا ئێكێ یه و ب جوداهیه‌كا مه‌زن ل به‌ری هه‌موو حزبێن دی یه، له‌ورا پێدڤییه پێگه‌هێ پارتی ل به‌غدا، ل گۆره‌یی هێزا وێ یا ده‌نگدانێ بیت.
گۆت ژی: به‌رییا نها پارتی گه‌له‌ك جاران پۆستێن خوه پیشكێشی ئالیێن دی كرینه، لێ نها پارتی پۆستێ سه‌رۆككۆماری ب مافێ خوه دزانیت و ده‌ستبه‌ردار نابیت و ل نێزیك ژی، سه‌رۆك بارزانی دێ به‌ربژارێ پارتی بۆ وی پۆستی، راگه‌هینیت.
تُتاح هذه الصورة أيضا في: کوردی
