دەزگەھێ ره‌وانگەهـ رۆلێ بنگەھێ لالش بلند دنرخينت
تۆرا لالش يا راگه‌هاندنێ/هه‌ولێر
نوونەرێ بنگەھێ لالش ل ھەولێرێ پشكدارى دپێشانگەھا ره‌وانگە بۆ په‌يداكرنا دەليڤێن کاری بۆ چینا گەنجێن بێکار ل ھەرێما کوردستانێ كر.
دچارچۆڤێ ڤه‌كرنا پێشانگه‌هێ دا به‌رێز “عه‌زيز شه‌ركانى” بنگەھێ لالش ل ھەولێرێ چاڤپێکەفتن دگەل به‌رێز “زیرەک ژێدار”شيره‌تكار ل دەزگەھێ ره‌وانگەهـ ئه‌نجام دا و گرنگیا ڤان جۆرە پێشانگەھان بۆ روخساندنا دەليڤێن کاری بۆ گەنجێن کوردستانێ و رۆلێ مەزن وگرنگ یێ بنگەھێ لالش کو بوويه پرەکا پەیوەندیێ دناڤبەرا ئێزدیان وپێکھاتەیێن دى یێن کوردستانێ وپاراستنا کلتۆر وفلکلۆرێ رەسەنێ ئێزدیان گۆتۆبێژكرن.
شيره‌تكارێ دەزگەھێ ره‌وانگەهـ ئاماژه ب وێ چه‌ندێ دا وەکو دەزگەھ دێ مفایى ژ ناڤەرۆکا گۆڤارا لالش وەرگرن بۆ بابەتێن گرێدايى کوردێن ئێزدی و کار وچالاکیێن بنگەھێ لالش بلند نرخاندن.
هه‌روه‌سا دوو دانێن گۆڤارا لالش یا وەرزانە وەك دیاری پێشكێشى دەزگەھێ ره‌وانگەهـ ھاتن كرن.
تُتاح هذه الصورة أيضا في: کوردی
