شێخ شامۆ:بنگەهێ لالش بێ دەنگ نابت ئەگەر مەغدوریەك ل ئێزدیان بێتە كرن
تۆرا لالش یا راگەهاندنێ/دهۆك
سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ دووپاتكر كو بنگەهێ لالش بێ دەنگ نابت ئەگەر مەغدوریەك ل ئێزدیان بێتە كرن،تەكەزكر ژی داخواز ژ سەركردایەتیا سیاسی یا كوردستانێ كریە كو ئێزدی هەست ب پشتگوه هاڤێتنێ نەكن و مافێ وانە داخوازا مافێ خۆ ژ پارتێن سیاسی یێن كوردستانێ بكن و ب تایبەت پارتی دیموكراتی كوردستان،چنكو پرانیا ئێزدیان سەر ب پارتی ڤەنە.
ئیرۆ رۆژا دووشەمبوویێ27/8/2018ێ دەستەیا بلندا بنگەهێ لالش یێ رەوشەنبیری و كۆمەلایەتی كۆمبوونا خۆ یا ئاسایی ب سەرپەرشتیا بەرێز”شێخ شامۆ”سەرۆكێ بنگەهی و ئەندامێن دەستەیا بلند و سەرۆكێن گشت تایێن لالش گرێدا،دكۆمبوونێ دا شێخی رۆناهی ئێخستە سەر رەوشا نهۆ یا دەڤەرێ و داخواز ژ ئێزدیان كر هەڤدوو توهمەتبار نەكن لسەر روودانێن ڤێ داویێ ل شنگال چێبووین،ژبەركو ئەڤ توهمەت نە دبەرژەوەندیا وان دانە و نە دبەرژەوەندیا ئێزدیان ب گشتی دایە،دووپاتكر ژی كو بنگەهێ لالش بێ دەنگ نابت ئەگەر مەغدوریەك ل ئێزدیان بێتە كرن،تەكەزكرژی داخواز ژ سەركردایەتیا سیاسی یا كوردستانێ كریە كو ئێزدی هەست ب پشتگوه هاڤێتنێ نەكن و مافێ وانە داخوازا مافێ خۆ ژ پارتێن سیاسی یێن كوردستانێ بكن و ب تایبەت پارتی دیموكراتی كوردستان.
دلایەكی دی یێ كۆمبوونێ دا”شێخ شامۆ”ئاماژە ب كۆتا ئێزدیان دا و خەمگینیا خۆ ژ هەلویستێ هندەك پارتێن سیاسی دا دیاركرن ،دووپاتكر ژی كو هندەك پارتێن سیاسی یێن كوردی هەنە تنێ گۆتنان پێشكێشی ئێزدیان دكن بێ كریار،زێدەباری كو فراكسیۆنا زەر گەلەك هەول دان بەلێ بێ ئەنجام بوون.
ژلایەكی دی ڤە شێخی سوپاسیا هەموو تایی و نڤیسینگەهێن لالش كر لسەر چالاكیێن ب بەها یێن ل هەیڤا تەباخێ دا گێراین،هەروەسا دكۆمبوونێ دا چەند بابەتێن گرنگ و كاروبارێن ناڤخۆیی یێن بنگەهی هاتنە بەحسكرن.
ل داویا كۆمبوونێ گرنگترین چالاكیێن بنگەهێ لالش و تایان ژبال ئەندامێن دەستەیا بلند و سەرۆكێن تایان ڤە هاتنە گەنگەشەكرن.
تُتاح هذه الصورة أيضا في: کوردی
