رێڤه‌به‌رێ ناوچه‌داريا سنوونێ: لڤینێن داعش ترسەك مەزن بۆ خەلكێ چێكریە
باسنيوز:
رێڤه‌به‌رێ ناحیا سنۆنێ دیاركر، کو لڤینێن رێكخراوا تیرۆرستێن داعش ل به‌عاج و جزیرێ ترسه‌ك مه‌زن بۆ خه‌لكێ كو ڤه‌گه‌ریاینه سه‌ر جه و مالێن خوه ل ناحیا سنۆنێ، دروست كریه هه‌تا نۆكه ره‌وش باشه نینه له‌ورا ژى هه‌موو ئاواره نه‌شێن ڤه‌گه‌رن.
نایف سه‌یدۆ، رێڤه‌به‌رێ ناحیا سنۆنێ بۆ(باسنیوز) دیاركر: “لڤینێن تیرۆرستێن داعش ل ده‌ڤه‌را به‌عاج و جزیرێ ترسه‌كا مه‌زن بۆ وێ خه‌لكێ ڤه‌گه‌ریاینه سه‌ر جه و مالێن خوه ل سنۆنێ، دروست كریە. خه‌لك تووشى ئالۆزیان بوونە، ب شیوه‌یه‌كێ گشتیى ره‌وش باش نینه. خه‌لك ژلایێ ده‌روونى ڤه نه مورتاحن هه‌ر ده‌مێ ئالۆزیێ دانه ژبه‌ر دروستبوونا گه‌له‌ك جۆرێن پرۆپاكنده ترس بۆ خه‌لكێ دروست ببیت. رۆژه‌كێ بێژن هێزێن ئه‌مریكى یێ ل ده‌ڤه‌رێ و رۆژه‌كێ بێژن حه‌شدا شه‌عبى خوه ڤه‌كێشا ل ده‌ڤه‌را سنۆنى و رۆژه‌كى دبێژن له‌شگه‌رێ عێراقى ژ جهه‌كێ بۆ جهه‌كێ دێ ناڤ سنۆنێ دا هاته ڤه‌گوهاستن. ئه‌ڤ ترسى ل ده‌ڤ خه‌لكێ دروست دكه‌ت چونكو كه‌س ره‌وشى ناگه‌هت”.
خویا ژى كر: “ده‌مێ تیرۆرستێن داعش ل به‌عاج و جزیرێ دیاربووین گه‌له‌ك ترس بو خه‌لكێ ڤه‌گه‌ریاینه سه‌ر جهێن خوه، چێبوو چونكو هه‌تا نۆكه خه‌لك پشت راست نینن ژ هه‌بوونا ره‌وشه‌كا باش ل ده‌ڤه‌رێ. هیشتا ره‌وشا ئه‌منى باش نینه هه‌ر ده‌مێ باش بیت دێ خه‌لك ڤه‌گه‌رن ژبه‌ر نه‌بوونا ئێمناهیێ خه‌لك نه‌شێن بچنه قوبیله‌تێ شنگال”.
تُتاح هذه الصورة أيضا في: کوردی
