بەغدا نەڤێت كەیسا ئێزدیان ب جینۆساید بێتە ناساندن
تۆرا لالش یا راگەهاندنێ/كاروان باعەدری
ئەڤە چار سال بسەر كۆمكوژیا ئێزدیان ل شنگالێ لسەر دەستێ رێكخراوا داعش دەربازبوون،هەڤدەم هێشتا بەغدا بۆ كەیسا ئێزدیان كێمترخەمە و نەڤێت ب جینۆساید بێتە ناساندن.
ئەندامێ لژنا بلندا ب جینۆساید ناساندنا دۆسەیا ئێزدیان و شارەزا ل تاوانێن نێڤ دەولەتی (حسێن قاسم حەسوون)دیاركر،بەغدا بۆ ب جینۆساید ناساندنا كەیسا ئێزدیان كێمترخەمە و ئاگەه ل ئێزدیان نینە و نەڤێت ئەو كەیس ب جینۆساید بێتە ناساندن.
هەر دڤی دەربارەی دا گرنگیدەر ب كاروبارێن ئێزدیان(جەگەرخوین سێڤۆ)ئاشكەراكر،هەتا نهۆ ژ روویێ عاتیفی ڤە دونیا ژ دەرڤە لگەل ئێزدیانە بەلێ هەتا نهۆ ب پێنگاڤ هیچ وەلاتەكی پشتەڤانیا خۆ بۆ ئێزدیان دیارنەكریە و هاریكاری ژی نەكرینە نەك ب رێیا ئاڤەدانكرنا دەڤەرێن ئێزدی نشین و نەك ل ئازادكرنا گرتیان،ئەڤە ژی دكەفتە دكەوفتە جیێ گۆمانێ كو هەردەم وەلات دبێژن ئەم پشتەڤانێن پێكهاتێن ئایینی نە،بەلێ ژ روویێ كریارێ ڤە هیچ پێنگاڤەك نەكرینە.
تُتاح هذه الصورة أيضا في: کوردی
