نێچیرڤان بارزانی: چاره‌كرنا ره‌وشا ئێزدیان ئه‌ركه‌كێ هه‌مئالی یه
WAAR-دهۆك:
سه‌رۆكوه‌زیرێن هه‌رێما كوردستانێ ئه‌ڤرۆ د سالڤه‌گه‌را چارێ یا كاره‌ساتا شنگالێ دا راگه‌هاند؛ چاره‌كرنا ره‌وشا ئێزدییان ئه‌ركه‌كێ هه‌ڤپشكێ هه‌مه‌ئالی یه و دوپات كر، ئه‌و دێ ل سه‌ر رزگاركرنا ره‌ڤاندیێن ده‌ست داعشێ ژی به‌رده‌وامبن.
نێچیرڤان بارزانی سه‌رۆكوه‌زیرێن هه‌رێما كوردستانێ د سالڤه‌گه‌را چارێ یا كاره‌ساتا شنگالێ دا په‌یامه‌ك به‌لاڤكر و تێدا دیاركرییه، چاره‌كرنا ره‌وشا ئێزدییا ئه‌ركه‌كه‌كێ هه‌ڤپشكێ هه‌مئالی یه و ئه‌و دێ ل سه‌ر رزگاركرنا ره‌ڤاندیێن ئێزدی یێن هێشتا د ده‌ست تیرۆرستێن داعشێ دا ماین به‌رده‌وامبن.
نێچیرڤان بارزانی ئه‌و یه‌ك راگه‌هاند و داخواز ژی ژ حكومه‌تا فیدرال كر ره‌وشا شنگالێ ئاسایی بكه‌ت و ب ئه‌ركێ خوه د ئاڤه‌دانكرنا ده‌ڤه‌رێن ئێزدییان جێبه‌جێبكه‌ت.
سه‌رۆكێ وه‌زیران د په‌یاما خوه دا داخواز ژی ژ كۆمه‌لگه‌ها نێڤده‌وله‌تی كرییه، كاره‌سات و كۆمكۆژییان شنگالێ ب فه‌رمی وه‌كه جینۆساید ب ناسینیت، هه‌روه‌ها ره‌وشا ژیانا خه‌لكێ شنگالێ باش بكه‌ت.
نێچیرڤان بارزانی هه‌روه‌ها به‌حسا هێزێن پێشمه‌رگه‌ی ژی كر و گۆت: د ئه‌ڤێ رۆژێ دا، سه‌رێ رێزێ بۆ قوربانی و گیانێ پاكێ پێشمه‌رگه‌یێن قه‌هره‌مان دچه‌مینین، ئه‌وێن ل پێناڤێ رزگاركرنا شنگالێ و شكاندنا داعشێ شه‌هید بووین.
تُتاح هذه الصورة أيضا في: کوردی
