ئەنجوومەنێ شنگال نڤیسارەك ئاراستەی بەغدا كر
تۆرا لالش یا راگەهاندنێ
سەرۆكێ ئەنجوومەنێ قەزا شنگال ئاشكەراكر،بۆ دەرێخستنا گرۆپێن چەكدار ژ شنگال، نڤیسارەك ئاراستەی حكوومەتا بەغدا كریە و ئەو خۆسەپاندن بسەر شنگالێ دا نائێتە قەبوولكرن.
(وەیس نایف)بۆ رۆژناما دەنگێ لالش راگەهاند،دەربارەی دەرێخستنا گرۆپێن چەكدار، لگەل بەغدا و پارێزگەرێ مووسل لسەر هێلین و ب نڤیسارەكا فەرمی مە داخواز ژ بەغدا كریە گرۆپێن چەكدار ژ شنگال دەرێخت،بۆ هندێ رەوشا دەڤەرێ ژ روویێ ئێمناهیێ ڤە بەرەف باشتر بچت و گۆت:((ڤان گرۆپا نهۆ ژبەر هەلبژارتنا دڤێن ب هەموو شێوەیەكی خۆ بسەر شنگال دا بسەپینن،بەلێ ئەم ب هیچ شێوەیەكی بێدەنگ نابین و بووینە ئەگەر كو خەلكێ شنگالێ ڤەنەگەرنە سەر زێدێ خۆ،چنكو چەندین پێشلێكاریا بەرامبەر خەلكێ دكن و بووینە هۆكارێ تێكدانا رەوشا شنگالێ)).
شنگال دەڤەرەكا كوردستانی ل دەرڤەی ئیدارا هەرێمێ یە،كو ل پێ گۆتنا بەرپرسێن ئیداری، ئەو دەڤەرە بوویە جیێ هێزێن نەیاسایی و چەندین جاران خەلكێ شنگال و حكوومەتا هەرێما كوردستانێ داخواز ژ وان هێزان كریە دەڤەرێ بجه بهێلن،بۆ هندێ خەلك ڤەگەرت و درێژیێ ب ژیانا خۆ یا ئاسایی بدەن.
تُتاح هذه الصورة أيضا في: کوردی
