نڤیسینگەها لالش مەهەتێ پەیوەندیا دگەل رێكخراوێن جڤاكێ سڤیل و سەنتەر و كۆمەلا خورت دكت
تۆرا لالش یا راگەهاندنێ
نڤیسینگەها لالش مەهەتێ،ئیرۆ 19/2/2018،كۆمبوونا خۆ یا وەرزی ئەنجام دا.
ب ئامادەبوونا بەرپرس وئەندامان، نڤیسینگەها لالش مەهەتێ،ئیرۆ 19/2/2018،كۆمبوونا خۆ یا وەرزی ئەنجام دا،ل دەستپێكێ خۆلەكەكێ سەكنین بێ دەنگ بۆ گیانێ پاكێ جانگۆریێن كورد و كوردستانێ و سەروەرێ وان بارزانیێ نەمر و كاك ئەدریسێ جوانە مەرگ ،لدووڤ دا”مەهدی حەسەن”بەرپرسێ نڤیسینگەهێ بەحسێ پێشهاتێن نوو یێن دەڤەرێ وتایبەت یێن شنگالێ و ئێزدیان و هەرێمی و نێڤ دەولەتی و رەوشا هەرێما كوردستانێ وهەلبژارتنێن عێراقێ و كوردستانێ كر،ژلایەكێ دی ڤە بەحسێ كار و بزاڤ و خزمەت و خەباتا لالش و ئەو كار و چالاكێن لالش هاتینە كرن ل سالا بۆری و خالێن ئەرێنی و نەرێنی ل ڤان شەش هەیڤێن بۆری كر و نەپێگیریكرنا هەڤالا و ئەو ڤالاتیا كەفتیە د كاری دا كر.
هەر دئاخفتنا خۆ دا بەرپرسێ نڤیسینگەها لالش دیاركر:”ژ نهۆ وپێدا نائێتە قەبولكرن،ئەو ڤالاتیا هەیی ئەندامەكی دی هاتە زێدەكرن بناڤێ”سامی كونجی” وەك ئەندامێ نڤیسینگەهێ و بەرنامەك هاتە دارێشتن بۆ شەش هەیڤێن دیتر و تایبەت بەرنامێ ئادار و نەورۆزێ هاتە دانان”.
دتەوەرەكی دی یێ كۆمبوونێ دا،داكۆكی ل دابەشكرنا رۆژنامە و بەلاڤۆكێن دگەهنە نڤیسینگەهێ هاتە كرن و بەرنامەكی تایبەت هاتە دارێشتن بۆ خورتكرنا پەیوەندیا دگەل رێكخراوێن جڤاكێ سڤیل و سەنتەر و كۆمەلێن دەڤەرێ تایبەت لناڤ برایێن بوسلمان،ژبەركو سنوورێ مەنە.
تُتاح هذه الصورة أيضا في: کوردی
