هەتا نۆكە پارێزگەها مووسلێ ئێك پرۆژەیێ خزمەتكاری نەگەهاندیە دەڤەرا سنوونێ
تۆرا لالش يا راگه‌هاندنێ
رێڤەبەرێ ناوچەداریا سنوونێ دیاركر:”ل رۆژا 19/12/2014 پێشمەرگەیێ كوردستانێ سنوونێ وهەموو گوند و كۆمەلگەهێن سەرڤە ب تەمامی ژ دەستێن رێكخراوا تیرۆرستیا داعشێ رزگاركرن ،مخابن هەتا نۆكە پارێزگەها مووسلێ ئێك پرۆژەیێ خزمەتكاری نەگەهاندیە دەڤەرێ،هەروەسا هەشت هەزار ئاوارە زڤرینە ناوچەداریێ و چیایێ شنگالی”.
نایف سەیدو،بۆ رۆژناما دەنگێ لالش خویاكر:” پارێزگەها مووسلێ ئەڤە چەندین سالە ناوچەدارییا سنوونێ فەرامۆشكریە چوو پرۆژەیێن خزمەتكاری لێ ئەنجام نەداینە ونەجارەكێ بەلكو ب دەهان جاران بنڤیسارێن فەرمی جڤاتا سنوونێ داخوازا ئەنجامدانا پرۆژەیێن خزمەتكاری بۆ مووسلێ كریە لێ مخابن چوو بەرسڤ ل سەرنائێنەدان وگۆت:”ئەڤە پتر ژ دووسالان پێشمەرگەی سنوونێ رزگاركری هەتا نۆكە پترژ8هەزارخێزانان یێن ڤەگەریاینە دەڤەرَ هێشتا حكوومەتا عَیراقێ ئێك دی نار بۆخزمەتكرنا وەلاتیان نەمەزاختیە ئەڤە سێ سالە بودجەیا سنوونێ هاتیە راگرتن بەغدا نادەت،پشتی پێشمەرگەیێ كوردستانێ سنوون رزگاركری ئێكسەر پارێزگەها دهۆكێ دەست ب گەهاندنا هندەك پرۆژانكر وەكو دابینكرنا موەلیدێ كارەبێ وسەخبێركرنا تۆرێن ئاڤێ وجادەیان وڤەكرنا بنگەهێ ساخلەمیێ ونەخۆشخانا سنوونێ”.
زێدەتر گۆت:”تیرۆرستێن داعش پێنچ هەزار خانیێن وەلاتیان ل سنوونێ پەقاندینە،هەتا نۆكە حكوومە تاعێراقێ كەس قەرەبوونەكریە،هەكە پرۆژەیێن خزمەتكاری ل سنوونێ بێنە دابینكرن دێ پتریا وەلاتیان ڤەگەرنە سەر مالێن خۆ،داخوازیا خەلكێ سنوونێ وشنگالێ وسەرۆك بارزانی بریارا پارێزگەهبوونا شنگال بدەت وبێنە سەر هەرێما كوردستانێ ڤە،چنكو شنگال رەسەنترین پارچا كوردستانێ یە،هەكە رێفراندۆم بێتەكرن پتر 75% دێ وەلاتی بەلێ هەلبژێرن،چنكوخەلكێ ئێدی نەڤێت سەرعێراقێ ڤە بمینن،هەروەسا هەتا نۆكە هەشت هەزار ئاوارێن شنگال یێن ڤەگەریاینە سنوونێ و چیایێ شنگال و گوند و كۆمەلگەهێن ب سەرڤە لێ ژبەرسێ ئەگەرێن سەرەكی وەلاتیێن دەڤەرا سنوونێ و شنگال نەوێرن ڤەگەرنە سەر مالێن خۆ ئەوژی هەبوونا ناكۆكیێن سیاسی ل دەڤەرێ تایبەتی ژی پارتا كرێكارێن كوردستانێ زۆر ئاستەنگا دروست دكت ئاوارێن شنگال نەڤەگەرنە سەر مالێن خۆ،تەكەزكر نەبوونا خزمەتكاریان ئەگەرێ دوووێ یە و ئەگەرێ سێیێ ژی بارێ دارایێ ئاواران زۆر خرابە و خانیێن گەلەك وەلاتیان یێن هاتینە پەقاندن و تالانكرن و و ێرانكرن و هەتا نۆكە دەست ب ئاڤادانیا دەڤەرێ نەهاتیە كرن و رێكخراوێن نێڤ دەولەتی ژی نەوێرن قەستا شنگال بكن بۆ ئاڤەدانیا دەڤەرێ،چنكو ئەو رێكخراوە دبێژن مەترسی ل سەر ژیانا كارمەندێن مە هەیە ژبەر پەكەكێ وهەتا پەكەكە ل دەڤەرێ بت گەلەك زەحمەت شنگال و سنوون و هەموودەڤەرێن دی بێنە ئاڤاكرن و خەلك بكارن ڤەگەرنە سەر مالێن خۆ”.
سەیدو ئەو ژی ئاشكەراكر:”سنوونێ مەزنترین ناوچەداریە ل سەر ئاستێ عێراقێ وچەندین جاران هاتیە داخوازكرن سنوونێ ببتە قەزا،لێ چوو بەرسڤ ل سەر داخوازیا خەلكێ سنوونێ نەهاتینە دان ژلایێ بەغدا ڤە،نۆكە ئەم كاردكن سنوونێ ببتە قەزا سەر هەرێما كوردستانێ ڤە بت ئێدی ب چوو رەنگەكی سەرمووسلێ ڤە نەمینن”.
تُتاح هذه الصورة أيضا في: کوردی
