ئسماعیل بێشكچی:ئێزدی ئۆلەكە كوردی یە كەڤنە،پێتڤیە كورد رێزێ ل تایبەتمەندیێن وان بگرن
تۆرا لالش یا راگەهاندنێ
نڤیسەر وهزرمەندێ توركی”ئسماعیل بێشكچی” دوپاتكر كو ئێزدی تووشی گەلەك فرمانا بووینە، وئاماژە دا وی گرنگیەكە باش دنڤیسینێت خۆ دە دایە دیرۆكا ئێزدییا، لەورا دڤی سەردەمی دە پێتڤیە جڤاكێ كوردی وەك ئۆلەكە كوردی یە دێرین بەرێ خۆ بدەتە ئێزدییا ورێزێ ل تا یبەتمەندیێن وان یێن ئۆلی بگرن.
ددەمێ سەرەدانا خۆ دە بۆ دەستەیا بلندا بنگەهێ لالش ل رێككەفتی 21/12/2016ی،بێشكچی دا دیاركرن كو دسالا 2014 دە ئێزدی تووشی تاوانێن مە زن بوون ژلایێ داعش ، هەر وەسا گۆت سیاسەتا سەرۆك بارزانی دراستا ئێزدیا دە یە حەكیمە ول سەردەستێ وی دێ ئێزدی مافێن خۆ بدەستڤە ئینن ، ودوپاتكر كو سەرەدانا من بۆ بنگەهێ لالش ئەركە ژبەركو سازییەكە رەوشەنبیری یە مەزنە ، ژلایێ خۆ ڤە بەرێز شیچخ شامۆ سەرۆكێ دەستەیا بلندا بنگەهێ لالش بخێرهاتنا وی كر وگۆت ئەگەر كورد جاررەكێ قەردارێت وی بن ئێزدی دوو جارا چنكو دنڤیسینێن خۆدە بەحسێ دۆزا نەتەوەیی یاكوردی كریە وبە حسێ نەخۆ شیێن ئێزدییا كریە ، وپاشی چەند تیرۆژكەك بەردانە سەر روولێ گرنگێ بنگەهێ لالش هەر ژرۆژا دامەزراندنێ تا نهۆ.
هەژی گۆتنێ یە كو مامۆستا “پیر خدر و”حاكم نەمر” ژی پێشوازی ل بێشكچی كر و”پیر خدر” سەرەدانا وی ب رۆژەكە دیرۆكی زانی ونڤیسینێن وی ببها ل قەلەم دان وداخواز ژپیرخدر هاتە كرن كو ڤەكۆلینەكە تایبەت ل سەر ببەرهەمێن بێشكچی ل دۆر ئێزدییا بنڤیست.
بەرێز “شێخ شامۆ”سەرۆكێ دەستەیا بلندا بنگەهێ لالش،نڤیسەر وهزرمەندێ توركی”ئسماعیل بێشكچی” ب ئارمەكی بنگەهێ لالش خەلاتكر،ژبەر خزمەتا وی بۆ دۆزا كوردی وجڤاكێ ئێزدییان.
تُتاح هذه الصورة أيضا في: کوردی
