نیشاندانا ئازارێن ئاوارە و پەنابەرێن ئێزدی دپێشانگەهەكا فۆتۆگرافی دە ل ئەلمانیا
تۆرا لالش یا راگەهاندنێ/سالار فائز
پێشانگەها(بێ كەس)یافۆتۆگرافی یا هەردوو وێنەگرێن ئێزدی(سفیان دلكانی،فیراس ئەلفارس )ل باژێرێ هانۆڤەر ل ئەلمانیا ل رێككەفتی25/10/ 2016هاتە ڤەكرن و هەتا 4/11/2016ڤەكێشا،هەر ژ رۆژا ئێكێ یا ڤەكرنێ ب سەدان رەوشەنبیران ژ هەموو تەخ و چینا یێن ئێزدی و ئەلمان و بیانی قەستا پێشانگەهێ كرن و چەند كەنالێن ئەلمانی و كوردستانی ژی رۆمالكرن،كو تێدا ئازارێن ئاوارە و پەنابەران هاتنە نیشاندان.
ئەڤ پێشانگەهە ب هاریكاریا رێكخراوا لێبۆرینێ یا نێڤ دەولەتی و هەردوو هەڤالا(سەبهان شەرقی و مزگینێ) هاتە رێكخستن،كو ژ ژمارەكا زۆر یا وێنەیان و ژ دوو بەشان پێك هاتبوو،بەشێ ئێكێ ژێ ئەو وێنە بخۆ ڤەدگرتن ئەوێن ل هەرێما كوردستانێ ژلایێ وێنەگر(سفیان دلكانی) ڤەهاتینە كێشان كو تێدا ئێش و ئازارێن ئاوارەیان ددان خویاكرن تایبەت یێن ئێزدیا،دیسان چەند وێنان سەر ژیانا دژوار را دەربرین دكر كا چاوان خەلكێ شنگالێ بەردەوامی دان خووندنا خۆ ل چیایی و چاوا بەرەڤانی ژ ئاخا خۆكرن و دوێ باوەریێ دابوون كو ژیان هەر دێ بەردەوام بت،هەروەسا بەشێ دووێ هندەك وێنە هاتنە نیشاندان ل سەر ئێش و ئازارێن پەنابەرا ددان دیاركرن ل رێیا چوونا وان بۆ ژ دەرڤەی وەلاتی ژئالیێ وێنەگر(فیراس ئەلفارس) هاتبوونە كێشان ،ئەوژی دەما ل رێیا چوونا ژ دەرڤەی وەلاتی ل یۆنانێ رۆژنامەڤانەكێ ئەلمانی كامیرەكێ پێشكێشی وی دكت،داكو ئەو بتر وێنا ب دروستی بگرت ژ ئەو كەتوارێ پەنابەر تێدا دژین نیشا جیهانێ بكت،ژبەركو گەلەك جاری میدیایا جیهانی تشتی بدروست نا ڤەگوهێزت.
دیسان ل داویێ دیاری ژ ئالیێ رێكخراوا لێبۆرینێ یا نیڤدەولەتی سەر ستافێ پێشانگەهێ هاتنە پێشكێشكرن.
تُتاح هذه الصورة أيضا في: کوردی
