بریارا ئاڤاكرنا دوو سەد خانیان بۆ وەلاتيێن زەرمەند هاتە دان
باسنيۆز:
كوتلا برایەتیی و پێكڤە ژیانێ ل جڤاتا پارێزگەها مووسلێ دیاركر بریار هاتە دان 200 هزار خانیی ل دەڤەرێن رزگاری بهێنە ئاڤاكرن دێ بۆ وان كەسان بن یێن رێكخراوا تیرۆرستی داعش خانین وان پەقاندین.
ئەڤرۆ، سێشەمبێ 30/8/2016 سەیدو چەتۆ، سەرۆكێ كوتلا برایەتیی و پێكڤە ژیانێ، ل جڤاتا پارێزگەها مووسلێ بۆ (باسنیوز) دیاركر: “ئاڤاكرنا ڤان خانیان دێ هەڤكاری بیت دگەل حوكمەتا هەرێما كوردستانێ، دێ لیژنەك هێتە پێك ئینان بۆ دەست نێشانكرنا خانێن پەقاندنێ ل هەموو یەكێن ئێداری یێن پێشمەركەی كوردستانێ رزگاركرین دێ هەولدان هێنە كرن وەختەكێ نێزیكدا دەست ب ئاڤاكرنا خانیان بهێتە كرن بۆ وەلاتێن زەرمەند ب مەرەما وی چەندی خەلك بشین ڤەگەرنە سەر حالی خوە”.
سەرۆكێ كوتلا برایەتیی و پێكڤەژیانێ، ل جڤاتا پارێزگەها مووسلێ، زێدەتر گۆتژی: “كومپانیەكا نافخۆیی ب ئاڤاكرنا 200 هزار خانیان دێ رابیت دێ خانیی ل سەر هەموو قەزا وناحیی وكومەلگەه هێنە بەلاڤكرن بتنی دێ بۆ وان كەسان بن یێن تیرۆرستان خانیی وان پەقاندین و مەزاختین خانیی هەموو د ستۆیی حوكمەتا عیراقێ دا بن و بڕیار هاتە دان هەموو رێڤەبەریێن قەزا و خانیان دەست ب ئەنجامدانا ئامارەكی بكەن بۆ دەست نێشانكرنا ئەردی وەبەرهینانی ئەڤە ژێ دێ بۆ وی چەندی بیت پرۆژەیێن وەبەرهێنانی بهێنە دروستكرن بۆ دیتنا دەلیڤین كاری بۆ وەلاتیان”.
تُتاح هذه الصورة أيضا في: کوردی
