شێخ شامۆ:دلسۆزی و ڤیانەكا نێڤ دەولەتی بۆ هاریكاریكرنا خەلكێ مە هەیە
تۆرا لالش یا راگەهاندنێ
ب مەبەستا پتر نێزیك بوون و هەماهەنگیێ بۆ خزمەتكرنا ئاوارەیێن ئێزدی،ئیرۆ 20ئابا 2016،”شارکا”بەرپرسا رێكخراوا شنگالا ئازاد بۆ خزمەتێن ساخلەمیێ سەرەدانا بنگەهێ لالش ل دهۆكێ كر،ژلایێ “شێخ شامۆ”سەرۆكێ بنگەهی و “شەمۆ قاسم “بەرپرسێ لژنا رەوشەنبیری پێشوازی لێهاتەكرن.
دهەڤدیتنەكێ دا”شێخ شامۆ”سەرۆكێ دەستەیا بلندا بنگەهێ لالش رۆلێ رێكخراوان ب گشتی بلند نرخاند و گۆت:”خەلكی مە دهەموو بوارێن ژیانێ دا پێتڤی خزمەتكرنێ هەیە و دلسۆزی و دلۆڤانیەكا نێڤ دەولەتی هەیە،ئەم دبینن رێكخراوێن نێڤ دەولەتی ڤیانەك هەیە بۆ خزمەتکرنا خەلكێ مە،لێ بەداخەوە وەکو پێتڤى و مینا دلێ مە نەهاتینە پێش ،ئەڤ ریكخراوە ژی ئێكە ژ وان نموونان بنگەهێ خۆ ل ڤێدەرێ ڤەكریە ژبۆ خزمەتكرنا خەلكێ مە ژلایێ ساخلەمیێ ڤە و جهێ سەرفەرازیا مەیە”،دووپاتكر ژی وەك بنگەهێ لالش ئەم ئامادەینە بۆ هەر هەماهەنگی و هەڤكاریەكا ژمە بێتە خواستن بۆ خزمەتكرنا خەلكێ مە.
ب روویێ خۆڤە بەرپرسا رێكخراوا شنگالا ئازاد،سوپاسیا بنگەهی و پێشوازیا لێ هاتیە كرن كر و گۆت:” ئەركێ مەیە خزمەتا خەلكێ خۆ بكەین”.
رێكخراوا ناڤبری ل سەر پێشكێشكرنا خزمەتێن ساخلەمیێ بۆ ئاوارەیێن شنگالێ بەردەوامە و خەستەخانەك ژی ل شنگالێ ڤەكریە.
تُتاح هذه الصورة أيضا في: کوردی
