كەسایەتیێن جڤاكی و رەوشەنبیری یێن خانکێ 
سوپاسیێن خەلکێ کۆمەلگەهێ دگەهیننە شێخ شامۆ
تۆرا لالش یا راگەهاندنێ
كۆمەكا كەسایەتیێن جڤاكی و رەوشەنبیری ل كۆمەلگەها خانکێ و دگەل دا دەستەیا رێڤەبەرا بنگەهێ لالش تایێ خانکێ ، دسەرەدانەكێ دا بۆ بنگەهێ لالش ل دهۆكێ، سوپاسیێن خۆ ئاراستەی بەرێز”شێخ شامۆ”سەرۆكێ بنگەهی كرن بۆ خزمەتا پێشكێشی كۆمەلگەهێ دكت.
ئیرۆ رۆژا شەمبوويێ ٢٠/٨/٢٠١٦،كۆمەكا كەسایەتیێن جڤاكی و رەوشەنبیری ل كۆمەلگەها خانكێ،سەرەدانا بنگەهێ لالش ل دهۆكێ كرن و ژ ئالیێ”شێخ شامۆ”سەرۆكێ بنگەهی ڤە هاتن پێشوازیكرن، دپێشیێ دا كەساتیان سوپاسیێن خۆ ئاراستەی بنگەهی و شەخسێ سەرۆكێ بنگەهی كرن،بۆ گرنگی پێدانا وان ب كۆمەلگەهێ ژلایێ جڤاكی یان رەوشەنبیری ڤە و رەوشا كۆمەلگەهێ و بەردەوام سەروبەركرنا هەرسێ هۆلێن لالش ،ئاماژەكرن كو هەر پێتڤی وداخوازییەكا وان هەبت بنگەهی تەخسیری ژ وان را نەكریە.
ژلایەكێ دیڤە،ب درێژی گەنگەشە ل سەر رەوش وپتر خزمەتكرنا خەلكێ كۆمەلگەهێ هاتە كرن.
هەروەسا ژئالیێ خۆ ڤە”شێخ شامۆ”سۆزدا ل گۆر پێچێبوون و کارینا خزمەتا خەلكێ كۆمەلگەهێ بكە وگۆت:”خەلكێ خانکێ ژ هەژی خزمەتەكا زێدەتر، هەر چەندە حكوومەتا مە دقەیرانێ دایە و وەكی دلێ خۆ مەنكاریە خزمەتێ بكەین ژی،بەلێ سۆزێ ددەین یا ژمە بێت ئەم بكارن ژێرا بكن “.
كەسایەتیێن كۆمەلگەهێ ژی سوپاسیێن خۆ پێشكێشی سەرۆكێ بنگەهێ لالش كرن،ب تایبەت كو ل ژێرچاڤدێریا وی هەرسێ هۆلێن بیرەوەرییان ل خانکێ بەردەوام دئێنە سەخبیر و سەروبەركرن.
هێژای گۆتنێ یە دماوێ دەرباس بویی دا،ژبۆ زێدەتر خزمەتکرنا خەلکێ کۆمەلگەها خانکێ ب چاڤدێریا”شێخ شامۆ” سێ هۆلێن لالش ل کۆمەلگەها خانکێ هاتنە سەخبێرکرن ب ڤی شێوەیی:
1ـ هۆلا ربێبیێ سەبکرنا عەردێ هۆلێ و ـ120ـ مەترێن ڤەنەپا ژ باشترین جۆر.
2 ـ هۆلا لالش هەوێریا چێکرنا سێوانەکا چینکویی (جملۆن) ب درێژایا (20)م و فرەهیا(7) مەترا.
3ـ هۆلا لالش قەسرئێزدین دووبارە چێکرن ونووژەنکرنا دیوارێ ژدەرڤە وبۆیاغکرنا هۆلێ و چێکرنا دەرگەکی بۆ دیوارێ ژدەرڤە.
4ـ کرینا چادرەکا مەزن ژبۆ پێتڤیێت کۆمەلگەهێ وئاوارەیان .
5ـ کرینا (200) کورسیێن پلاستیکی دگەل (100) تەبلەیێن بچووک بۆ خزمەتا خەلکێ کۆمەلگەهێ وئاوارەیان .
تُتاح هذه الصورة أيضا في: کوردی
