بیرئانینا قوربانیێن پەقینا سیبا شێخدر و گرعزێر و کۆمکوژیا گوندێ کۆچۆ ل كۆمه‌لگه‌ها شاريا
تۆرا لالش يا راگه‌هاندنێ
ژبۆ بیرئانینا قوربانیێن پەقینا ل سیبا شێخدر و گرعزێر و کۆمکوژیا گوندێ کۆچۆ،بنگەهێ لالش تایێ شاریا چالاكيه‌ك كو ژ چه‌ند برگێن جۆرا و جۆر پێكهاتبوو ل هۆلا لالش ئێك ل كۆمه‌لگه‌هێ ئه‌نجام دا.
و ب ئامادەبوونا هژمارەکا مەزن ژ کەسایەتیێن سیاسی و کادرێن حزبی و ریهسپی و رەوشەنبیر و خەلکێ کۆمەلگەها شاریا و ئاوارێن شنگال، ل رێكکەفتی 13/8/2016،بنگەهێ لالش تایێ شاریا رابوو ب بیرئانینا پەقینا ل سیبا شێخدر و گرعزێر و کۆمکوژیا گوندێ کۆچۆ.
پشتی خۆله‌كه‌ك سه‌كنين وەک رێزگرتن بۆ گیانێ پاکێ جانگۆريێن کوردستانێ وکارەساتا شنگال، رێورسمێن چالاکیێ دەستپێکرن، ل دەستپێکێ پەیڤا بنگەهێ لالش تایێ شاریا ژلایێ بەرێز “فةلاح خێری میرزو” ئەندامێ دەستەکا رێڤەبەر ڤە هاتە خووندن، پاشی پارچە موزیکەک هاتە نمایشکرن کو ژلایێ موزیک ژەنێ باژێرێ دهۆکێ “محمد زکی”هاتیە ئامادەکرن لدۆر کارەساتا شنگالێ.
دلايه‌كێ دى يێ چالاكيێ دا،چەندین هۆزان هاتنە خووندن ژلایێ هۆزانڤانان (حه‌سه‌ن حسێن ـ حەسەنکو، جه‌مال کودی، سەکار کامل، خالد کالو، ساجد شنگالی ،جانێ لالش ).
هەروەسان گرۆپێ خەونێن پاشەرۆژا شنگال ب نمایشەکێ دگەل هۆزانڤان “حه‌سه‌ن حسێن” پشکداری ڤێ چالاکیێ بوون.
تُتاح هذه الصورة أيضا في: کوردی
