شێخ شامۆ:بنگەهێ لالش دێ پەرتووكەكا ئەكادیمی ل سەر كارەساتا شنگالێ ب وەشینە
تۆرا لالش یا راگەهاندنێ
بەرێز”شێخ شامۆ”سەرۆكێ دەستەیا بلندا بنگەهێ لالش دكۆمبوونا خۆ یا دگەل تەڤ ئەندام و سەرۆك تایان ئەوا كو ل بنگەهێ لالش ل دهۆكێ،ل رێككەفتی 25/6/2016،هاتیە دارخستن گۆت:ل سەر مە پێتڤی یە كو ئەم رێ ل دەست تێوەردانێن دەرڤە بگرین یێ كو یاریان ب مێشك و خۆرتێن مە دكن ب رێێن ئەنتەرنێتی و تۆرا جڤاكی یا فەیسبۆكێ،كو ڤێ كارەساتا مە یا وەسا مەزن بچووك بكن.
هەر دكۆمبوونێ دا بەحسێ روودانێن نوو و گرنگ هاتە كرن،ژوانا بابەتێن نەجوان یێن دئێنە بەلاڤكرن ل سەر تۆرا جڤاكی یا فەیسبۆكێ،ژبەرو كارەكێ نەشارستانی و نە رەوشەنبیری یە ب تایبەت بەحسێن سمبلێن سیاسی و رەوشەنبیری و ئاینی كو بنگەهێ لالش رۆلەكێ كاریگەر ببینت ژبۆ هشیاركرنا خۆرتان و دوور خستنا وان ژڤان كاران.
ژ ئالیەكێ دیڤە بەحس ل بابەتێ ڤەگۆهاستنا قوتابیێن ئێزدی یێن سەر ب حكوومەتا عێراقێ،ژبۆ ڤەگۆهاستنێ بۆ سەر حكوومەتا هەرێما كوردستانێ و داخواز ژ سەرۆكێن تایان كر كو ب زووترین دەم لیتسێن ناڤێن قوتابیێن سالا 2014_2015بگەهینە دەستەیا بلندا بنگەهێ لالش،تەكەزكر كو دڤێ ئەم گەلەك پێگریێ ب ڤی بابەتی بكەین،ژبەركو ئەو پاشەرۆژا مللەتێ مەیێ ئێزدی نە.
هەروەسا ژئالیەكێ دی ڤە سەرۆكێ بنگەهێ لالش ژئامادەبوویان خواست كو هەموو بیرەوەریێن ئاینی و نەتەوەیی بێنە ساخكرن.
هەروەسا “شێخ شامۆ”ئەویەك ژی خواست كو ل سەر هەر تایەكی پێتڤیە كو قوتابیێن سەركەفتیێن ئێكێ ل سەرانسەری دەڤەرێن ئێزدیان خەلات بكن،هەروەسا ژبەشێ ڤەكۆلینێ خواست كو پەرتووكەك تایبەت سەبارەت كارەساتا شنگالێ ب وەشینن و ل پەی وان زانیاریێن دروست یێ ب سەرێ مە ئێزدیان هاتین كرن.
ل داویا كۆمبوونێ سەرۆكێ بنگەهێ لالش گەنگەشەك ڤەكر دناڤبەرا سەرۆكێن تایان و ئەندامێن دەستەیا بلندا بنگەهێ لالش.
تُتاح هذه الصورة أيضا في: کوردی
