نێچیرڤان بارزانی ب فه‌رمی هاته داخوازكرن سه‌ره‌دانا ئیتالیا بكه‌ت
وار
د سه‌ره‌دانا خوه‌یا هه‌رێما كوردستانێ دا، سه‌رۆكێ لژنه‌یا كاروبارێن ده‌رڤه‌یا جڤاتا پیرێن ئیتالیا، نێچیرڤان بارزانی سه‌رۆك وه‌زیرێن هه‌رێمێ، ب سه‌ره‌دانه‌كا فه‌رمی گازیكره ئیتالیا.
ل گۆری مالپه‌رێ فه‌رمی یێ حكومه‌تا هه‌رێما كوردستانێ، ئه‌ڤرۆ نێچیرڤان بارزانی، پێشوازی ل پیێر فردیناندۆ كاسینی، سه‌رۆكێ سه‌رۆكێ لژنه‌یا كاروبارێن ده‌رڤه‌یا جڤاتا پیرێن ئیتالیا و شانده‌كا سیاسی، دبلۆماسی و سه‌ربازییا دگه‌ل دا كر و شاندا ئیتالی راگه‌هاند؛ پێشمه‌رگه شیایه ب قاره‌مانیا خوه، لسه‌ر ئاستێ جیهانێ، پێگه‌هه‌كێ گرنگ بۆ هه‌رێما كوردستانێ دروست بكه‌ن و ببنه جهێ شانازییا جڤاكا نێڤده‌وله‌تی.
سه‌رۆكێ شاندا ئیتالی، نێچیرڤان بارزانی ب سه‌ره‌دانه‌كا فه‌رمی گازیكره ئیتالیا، داكو خواستێن گه‌لێ كورد بگه‌هینیته رایا گشتی یا ئیتالیا و ببیته ئه‌گه‌ر كو د هه‌موو بواران دا، وه‌لاتێ وی زێده‌تر هاریكارییا هه‌رێمی بكه‌ت.
ژ ئالیێ خوه‌ڤه سه‌رۆكوه‌زیرێن هه‌رێمێ، په‌یوه‌ندیێن هه‌ولێر و رۆما بلند نرخاندن و ئاماده‌ییا حكومه‌تا هه‌رێمێ بۆ زێده‌تر پێشڤه‌برنا په‌یوه‌ندییان نیشاندا.
تُتاح هذه الصورة أيضا في: کوردی
