تۆرا لالش
ل بنگه‌هێ لالش ل دهۆكێ دانوستاندنه‌كا ڤه‌كرى ل دۆر (ئێزدیان چاوان هه‌تا نهۆ هه‌بوونا خۆ پاراستی یه) هاته سازكرن.
ئێڤارييا ئيڕۆ پێنج شه‌مبوويێ، 17ى ته‌موزا 2025، ب ئاماده‌بوونا كۆمه‌كا ئه‌كادیمی، كه‌سايه‌تى و ڕه‌وشه‌نبيران، بنگه‌هێ لالش ل دهۆكێ دانوستاندنه‌كا ڤه‌كرى ل دۆر (ئێزدیان چاوان هه‌تا نهۆ هه‌بوونا خۆ پاراستی یه) بۆ نڤيسه‌ر شكری ره‌شید خێراڤایی ڕێكخست.
ل به‌راهيێ نڤيسه‌رى ب تێر و ته‌سه‌ڵى به‌حسێ بابه‌تى كر و گۆت: ئێزدی وه‌كو ئاینه‌كێ ره‌سه‌ن و موكم و گرێدایی ب سروشتێ دونیایێ ڤه، و ب رێیا سروشتی خودایه‌كێ تاك و بتنێ ناسكریه، ئه‌رێ ئێزدیان چاوا كاریه خۆ ب پارێزن ل كوردستانێ و ده‌ڤه‌رێ.
گۆتژی: پشتی هاتنا ئاینێن ئاسمانی (مه‌سیح، جوهی و ئیسلام)ـێ قوناغێن دژوار كه‌فتینه پێشیا ئێزدیان، گه‌له‌ك جاران قوناغ هند د دژوار بوون گه‌هشتینه وی راده‌ی فرمان و تالان و كۆمه‌لكووژی ب سه‌رێ ئێزدیان دا بهێن، پسیار ل ڤێده‌رێ ئه‌وه ئه‌رێ چ نهێنێ و سڕه ئێزدیان خوه ل به‌ر ڤان هێرشان گرتی، بۆ نموونه ئیمراتۆریه‌تا ساسانیان نكارین ئێزدیان ژ ناڤ ببه‌ن و زه‌رده‌شتیان ژی هه‌روه‌سان.
نڤیسه‌ر شكری رشید خێراڤایی دا دیاركرن: ب راستی ئیمانا تاكێ ئێزدی ب ئێزدیاتێ یا موكمه و به‌رخودان كریه و خوه ته‌سلیم نه‌كریه و كۆمه‌كا ئه‌گه‌رێن دی، صه‌دیق دملوجی د په‌رتووكا خوه دا یا بناڤێ ( الیزیدیة) دبێژت: بتر ژ ملێون ئێزدیان هاتنه كوشتن و سازش(تنازل) ژ حه‌د و سه‌د و رێ و ره‌سمێن خوه نه‌كرن.
لدووڤدا، ئاماده‌بوويان ب پرسيارێن خۆ بابەت پتر دەولەمەندکرن و نڤيسه‌رى هه‌موو پرسيار به‌رسڤدان.
ل هه‌موو ڕۆژێن پێنج شه‌مبا ل بنگه‌هێ لالش ل دهۆكێ، دانوستاندنه‌كا ڤه‌كرى ل دۆر مژارێن جودا جودا ده‌رباره‌ى ڕه‌وشا ئێزديان بۆ ڕه‌وشه‌نبيران ڕێكدئێخت.
دڤێ دانوستاندنێ دا ئاماده‌بوويى گه‌نگه‌شێ ل سه‌ر مژارێن گرنگ يێن گرێدايى ب ڕه‌وشا ئێزديان ڤه دكه‌ن و ڕاسپارده‌يان ئاراسته‌ى بنگه‌هێ لالش دكه‌ن.
تُتاح هذه الصورة أيضا في: کوردی
