ڤەگەریانا ئاوارەیێن شنگالێ بۆ سەر مال وحالێ خۆ بەردەوامە 
تۆرا لالش یا راگەهاندنێ
سەرەرای ئەو ترسا كو ژ پەكەكێ هەی، قایممقامێ بەرێ یێ شنگال و ئەندامێ ئەنجوومەنێ وێ قەزایێ دبێژت،خەلكێ ئاوارەیێ شنگال هەر یێ ڤەدگەرن و چێدبت هەتا داوسا سالێ،نیڤا وان ڤەگەرنە سەر مال وحالێ خۆ.
مەیسەر حاجی سالح، ب مالپەرێ فەرمیێ پارتی دیموكراتی كوردستان راگەهاند،”ئاوارەیێن شنگال ب بەردەوامی ڤەدگەرن بۆ سەر مال وحالێ خۆ ب تایبەتی ئەوێن سنوورێ سنوون و دەڤەرا باكوورێ شنگال،هەروەسا بۆ سەنتەرێ قەزایێ ژی خەلك ڤەگەریاینە،بەلێ ژمارەیا وان نەگەلەكە”.
دەربارەی وێ ژی كو بۆ هێشتا خەلكێ دەڤەرێ ب كێمی ڤەدگەرن،مەیسەر حاجی سالح گۆت:”خەلك كو كێم بۆ شنگال ڤەدگەرن ترس هەیە كو پەكەكە ئاریشەیان بۆ وان دروست بكت،راستی ژبەر هندێ یە گەلەك نەوێرن ڤەگەرن بۆ سەر مال وحالێ خۆ،ئەگەر نە زێدەتر دێ ڤەگەریابانە”.
ئەو پێزانین دان ژی كو سەرەرای وێ ترسا ژ پەكەكێ هەی، هندەك خەلكێ دەڤەران چاڤەریێ ب داوی هاتنا ئەزموونانن،بەشەك ژی چاڤەرێی رزگاركرنا وان پێنج كۆمەلگەهان كو هێشتا نەهاتینە رزگاركرن بەلێ وەك ئەو دبێژت،ئەگەر ڤەگەریانا ئاوارە و لێقەومیان ب ڤی شێوەی بەردەوام بت،چێدبت هەتا داویا سالێ،نیڤا ئاوارەیان ڤەگەرن.
تُتاح هذه الصورة أيضا في: کوردی
