د ڤان نێزیکان دا تورکیا دێ ڤیزایێ ب وەلاتیێن هەرێمێ دەت
ئێن ئارتى
کونسولێ گشتیێ تورکیا ل هەرێمێ ڕاگەهاند، د ڤان نێزیکان دا وەلاتێ وان دێ ڤیزایێ ب وەلاتیێن هەرێمێ دەت.
محەمەد ئاکیف ئینام، کونسولێ گشتیێ تورکیا ل هەرێما کوردستانێ ب ئێن ئاڕ تی ڕاگەهاند “ئەم دێ پێشوازیێ ل هەر کەسەکی کەین یێ بخازیت بچیتە تورکیا و ئارمانجا مە گرتنا دەرگەهێ تورکیا نینە، بەلێ هند میکانزمێت هەین دڤێت بهێنە جیبجیکرن”.
هەروەسا گۆت ژی “ڤیزا نە گەلەکا ب زەحمەت و مە لبەرە ڤان نێزیکان ب میکانیزمەکا نوو و گەلەک و گەلەک ب سەناهیتر ژ بەرێ ڕابگەهینین و وی دەمی هەر کەسەک بخازیت سەرەدانا تورکیا بکەت دێ شێت ڤیزایێ وەرگریت.
ژ ١٠ێ شوباتا ئیساڵ ڤە تورکیا گەشتکرن ل سەر وەڵاتیێن عیراقێ و چەند وەلاتەکێن دی کرە ڤیزا و تنێ کونسولخانەیا تورکیا ڤیزا ب وەلاتیان ددا، ئەڤە د دەمەکیدایە بەرێ هەرکەسێ ب خاستا دا شێت سەفەرا ئەوی وەلاتی بکەت بێ وەرگرتنا ڤیزایێ، لگۆری ئامارا کۆمپانیایێن گەشتوگوزاری د نهادا نێزیکی ١١ هزار وەلاتیان ل کونسولخانەیا تورکیا ل هەولێرێ داخازا ڤیزایێ کریە.
هەڤدەم فاروق قایمقجی کونسولێ تورکیا ل بەغدا د بەرێ دا ئاشکرا کر کونسولێ تورکیا ل بەغدا د هەولا کێمکرنا مەرجێن پێدانا ڤیزەیێ دایە ب وان وەڵاتیێن عێراقی یێن کو دخازن گەشتێ بەرەف تورکیا بکەن.
ئەڤە د دەمەکیدایە ل ساڵا ٢٠١٥ێ زێدەتر ژ ملیۆنەک کۆچبەر ب رێکا دەریایا ئیجە خۆ گەهاندە ئۆروپا و پشترە پێخەمەتی چارەسەرکرنا ئاریشا کۆچکرنێ ئێکەتیا ئۆروپا و تورکیا گەهشتنە رێکەفتنەکێ و تورکیا گوهارتن د ئاوایێ پێدانا ڤیزایێ دا کر.
تُتاح هذه الصورة أيضا في: کوردی
