ل ناوەران پێشمەرگەی 20تیرۆرستێن داعشێ كوشتن
تۆرا لالش یا راگەهاندنێ
پشتی ب دەست ڤە ئینانا پێزانینان ل سەر جهێ خۆڤەشارتنا تیرۆرستێن داعش، ب درێژاهیا شەڤا بۆری وهەتا ئیرۆ چارشەمبوویێ،تیرۆرست ل بەرەیێ ناوەران دئێنە بردۆمانكرن،فەرماندەیەكێ پێشمەگەری دبێژت،زێدەتری ژ بیست داعشان هاتنە كوشتن.
سەربەست تروانشی،بەرپرسێ بەرەیێ هێزێن پێشمەرگەی ل ناوەران، ب مالپەرێ فەرمیێ پارتی دیموكراتی كوردستان راگەهاند:”هەفتیەكە لگەل هەڤپەیمانان چاڤدێریا لڤینێن تیرۆرستێن داعش ل سنوورێ ناوەران دكەین و پشتی ب دەست ڤە ئینانا پێزانینان ،ب درێژاهیا شەڤا بۆری وهەتا ئیرۆ چارشەمبوویێ،فرۆكێن شەری یێن هەڤپەیمانان و تۆپخانێن پێشمەرگەی، بنگە و بارەگایێن تیرۆرستێن داعشێ دكەنە ئارمانج”.
فەرماندەیێ پێشمەرگەی گۆتژی ژ ئەنجامێ تۆپباران و بوردۆمانا مە و هەڤپەیمانان بۆ سەر جهێن تیرۆرستان،چەندین تۆنێل و جەبەخانێن داعش بوونە ئارمانج و زێدەتر ژ بیست تیرۆرستان هاتنە كوشتن، هەروەسا چەندین ترومبێل و چەكێ گران هاتنە ژناڤبرن.
تروانشی دبێژت ژی ماوەیەكە لڤینێن تیرۆرستێن داعش كێمبووینە و ئەگەر هەبن ژی،زۆر ب نهێنی و خۆپاراستنێ نە، بۆ كو نەكەڤنە بۆسەیێن هێزێن پێشمەرگەی و هەڤپەیمانان.
تُتاح هذه الصورة أيضا في: کوردی
