ناديا موراد داخواز ژجڤاکا نێڤ دەولەتی کر تاوانێن داعشێ وەک جینۆساید ناس بکن
ئێن ئارتى
نادیە موراد لە بەردەمێ ئەنجومەنێ پیرانا ئەمریکا راگەهاند، ئەم وەک سەبایە هاتینە فروتن و راستی دەستریژیا سیکسی بوین و کچێن ٩ سالی ژی دناف مەدا هەبوون. هەروەسا داخازی جڤاکا نیڤدەولەتی کر تاوانێن داعشێ وەک جینوسایدێ ناس بکن.
ئەڤرۆ سێشەمبی ٢١ێ حوزەیرانا ٢٠١٦، نادیە موراد ئەو کچا ئێزیدی کو لسەر دەستێ داعشێ هاتبوو رەڤاندن و چەکدارێن داعشێ دەسترێژی کرنە سەر وێ، لبەردەمی ئەنجومەنێ پیرانا ئەمریکا گوتارەک ب زمانێ کوردی پێشکێشکر و بەحسێ چیروکا خۆ کر لسەر دەستێ چەکدارێن داعشێ ل دەمێ کو شنگال کۆنترۆل کرن و گوت” پشتی کو دەڤەرا مە هاتە داگیرکرن ژئالیێ چەکدارێن داعشێ ڤە ئەم کو ٦ هزار کچ و ژن و زارۆک بوین هاتینە رەڤاندن و وەک سەبایە هاتینە فروتن و راستی دەستێریژیا سیکسی بوین “.
ناڤبری گوت ژی” ل بەردەمی دادگەها موسلێ ب بزوری دەستێ مە دانانە سەر قورئانێ ژبۆی کو دینێ خو بگورین و بینە موسلمان”.
نادیە موراد ئاماژە ب وێ ئێکێ ژی کر” ل گوندێ مە ٧ هزار کەس هاتنە کوشتن کو دەیک و برایێ من ژی دناف دابوون”.
گوتژی” ئەم نابێژین ئیسلام ئیرهابە، بەلێ داعش ئیرهایە و مە دەنگێ خو گەهاندیە ولاتێن عەرەبی یێن ئیسلامی و خەلک هەڤسوس بویە دگەل مە”.
ناڤبری گوتژی”مخابن ولاتێن عەرەبیێن ئیسلامی وەک کافر ناس نەکرینە و لدەمێ من سەرەدانا مسرێ کر من داخاز ژ شێخێ ئەزهەر کر داعشێ وەک کافر ناس بکەن، بەلێ ئەو کارە نەکرن”.
نادیە موراد ل بەردەمێ ئەنجومەنێ پیرانا ئەمریکا تەکەست ژی کریە ” ئەوا داعشێ بەرامبەری ئیزدیان کریە جینوسایدە و پێتڤیە جڤاکا نێڤدەولەتی وان تاوان وەکە جینوسایدێ ناس بکەت”.
ناڤبری راگەهاند ژی” هەیانا نها چارەنڤێسێ پتر ژ ٣٠٠٠ هزار کچ و ژنێن ئێزیدی نەدیارە کو ددەستێ داعشێ دانە و وەک سەبایە دهێنە فروتن ل بازاران ب رەنگەکی کچێن زاۆک یێن ٩ سالی وەک سەبایە دهێنە فروتن و راستی دەسترێژیا سێکسی بوینە”.
گوت ژی” راستە نها ئەز ژدەستێ چەکدارێن داعشێ هاتیمە رزگار کرن، بەلێ بتامی دەرونێ من نەهاتیە رزگارکرن ئەوژی ب وێ ئێکێ دبیت دەما داعش بێتە سزادان و ژناڤبرن ب ئێکجاری”.
نادیە موراد داخاز ژ ئەنجومەنێ پیرانا ئەمریکا و جڤاکا نیڤدەولەتی کر، ئێزیدی وەک کێمنەتەوە بێتە پاراستن ئەگەر نە دێ ب ئێکجاری ئێزیدی ب ئێنە ژناڤبرن.
هەروەسا داخاز کر ژبلی شەرێ لەشکەری دگەل داعشێ دا، پێدڤیە هاریکاریێن مادی ژداعشێ بێنە برین ورێگری بێهتە کرن پارە بگەیتە دەستێ داعشێ و رێگری ژی بێتە کرن نەفتا داعشێ بێهتە فروتن.
شنگال دکەڤیتە پارێزگەها نەینەوا و ١٤٩ کیلۆمەترا ژ باژێرێ موسل دویرە.
چەکدارێن داعش ل رۆژا ١٠ێ حوزەیرانا سالا ٢٠١٤ێ باژێرێ موسل کونترۆلکرن، پشتی کونترۆلکرنا موسل ژی ل رۆژا ٣٠ێ ئاب ٢٠١٤ێ هێرشکرنە سەر شنگال.
د هێرشا چەکدارێن داعش بۆ سەر شنگال زێدەتر ژ ٥ هەزار وەلاتیێن ئێزدی کوشتن و زێدەتر ژ ٥ هەزار وەلاتیێن ئێزدی ژی رەڤاندن کو پرانیا وان ژن و زارۆک بوون.
د هێرشا چەکدارێن داعش بۆ سەر شنگال بوویە ئەگەرێ ئاوارەبوونا زێدەتر ژ ٤٠٠ هەزار ئێزدیان، ئێزدیان قەستا چیایێ شنگالێ کرن و ژئالیێ شەرڤانێن یەپەگێ و یەپەژێ ڤە سێ رێ یێن ئارام بۆ ڤەگۆهاستنا وەلاتیێن ئێزدی بەرەف رۆژئاڤا یا کوردستانێ هاتنە ڤەکرن کو زێدەر ژ ١٣٠ هەزار وەلاتیان هاتنە ڤەگۆهاستن بۆ دەڤەرێن ئارام یێن رۆژئاڤایا کوردستانێ.
بەشەکا زۆر یا وان وەلاتیێن ئاوارە یێن ئێزدی کو ل رۆژئاڤا ڤەحەویا بوون زڤرین بۆ باشوورێ کوردستانێ، هێزا هەڤپەیمانان د چارچوڤەیا ئالیکارێن مرۆڤی ب رێیا بالەفر و کۆپتەران ڤە ل ئاسمانی خوارن دگەهاندە ئاوارەیێن ئێزدی یێن سەر چیایێ شنگال.
رۆژا ١٣ێ تشرینا دووەما ٢٠١٥ێ هێزێن پیشمەرگە و یەپەگێ و یەپەژێ و ب پشتەڤانیا فرۆکێن هەڤپەیامانان باژێرێ شنگالێ کۆنترولکرن.
تُتاح هذه الصورة أيضا في: کوردی
