ئیران و عێراق دێ هەماهەنگیەکێ کەن بۆ چارەسەرکرنا تۆزبارینێ
ئێن ئارتى
مالپەرێ زانیاریێن ژینگەها ئیرانێ ڕاگەهاندیە کو جێگرا سەرۆک کۆمارێ ئیرانێ و وەزیرێ ژینگەها عێراقێ پەیوەندی ب هەڤدوو کریە و هەماهەنگی کریە ل سەر ریبریبوونا هەردوولایان بۆ چارەسەرکرنا تۆزبارینێ.
لگۆری نووچەیەکا ئەوی مالپەری مەعسومە ئیبتیکار، جێگرا سەرۆک کۆمارێ ئیرانێ دگەل جاسم عەبدولعەزیز، وەزیرێ ژینگەها عیراقێ پەیوەندی کریە و ئیرانێ داخازکریە عێراق چارەسەرەکێ بۆ ڤێ مژارێ ببینیت.
جێگرا سەرۆک کۆمارێ ئیرانێ ڕاگەهاند ژی بۆ ئەڤێ مژارێ دێ هاریکاریێن عێراق و ئیرانێ دگەل یونسکۆ گوتوبێژ کەن و وان دێ بەرنامەیەکێ ستراتیژی هەبیتن.
لگۆری نووچەیا زانیاریێن ژینگەها ئیرانێ، جاسم عەبدولعەزیز، وەزیرێ ژینگەها عیراقێ ڕاگەهاندیە “عیراق پشتی کونترۆلکرنا دەڤەرێن خۆ ژ دەستێ داعشێ دێ بەرهەڤبیت بۆ هاریکاریان دگەل ئیرانێ”.
ئەو چەند ژی ڕاگەهاند “د هەولا دیتنا سەدەمێ بلندبوون و دروستبوونا تۆزبارینێ دانە و بۆ ڤێ مەرەمێ ژی دێ مفایێ ژ پێشکەفتنێن تەکنەلۆجیایێ وەرگرن داکو سەدەمێ وێ دەستنیشان بکەن”.
هەڤدەم لگۆری زانیاریێن مالپەرێ زانیاریێن ژینگەها ئیرانێ، شاندەکا عێراقێ دێ سەرەدانا ئیرانێ کەت ب ئارمانجا چێتر لێک تێگەهشتنێ د پێکڤە کارکرنێ دا.
هەر ساڵ ل هەردوو وەڵاتێن عێراق و ئیرانێ تۆزبارین ل چەند دەڤەرەکان چێدبیت و ل عێراقێ گەلەک جاران تەماما پارێزگەهان ب هەرێما کوردستانێ ژی ڤە ڤەدگریت و ل ئیرانێ ژی پارێزگەهێن خوزستان ب دەڤەرێن تۆزبارینا چڕ دهێنە دانان.
تُتاح هذه الصورة أيضا في: کوردی
